I HATE THIS WORLD

I HATE THIS WORLD 

CHAPTER - 6 

By - Robert Pachuau 🌹🌹

Ka awih thei lo ...... !!!! 

Kawng ka ah chuan ka u Tei chu lo ding in , sawi tur pawh kan hrelo , kan ham haih tak zet a ni . 

Rang tak in kan in thlah a , Johna chuan tukverh lam melh in , hlau hmel pawh a pu meuh lo , kei lah rilru dawi tih tak ah ka ding khawng deuh tawp a ni mai , ka thin phu lah chu an rang em em khawp a , engtia awm tur nge pawh ka hrelo .

Ka u chu thu hran , ka chhung te ka nu leh ka pa in hre tase engtin nge min tih ang , an fapa an in nghah na tur ti a , an lo rin ve em em kha , hetiang hian ka awm tih hria se , an rilru hi eng tin tak na ang maw 

Ka rilru ngaihtuah na te chu , a kal thui tak zet a ni ..

" Ti khan maw , lehkha in lo in zirtir thin a , Lalremthang hetiang vang mai mai hian , pawisa kan seng thlawn reng na chhan tur a awm lo , a thu hrim ah Johna pawh kan ring che a , mahse kan rin ang ai deih che hian ilo mak hle mai , engpawh chu nise he thil hi hetah tawp rawh se , ka chhung ten an  hriat hma hian in thlah ang che u , thil pawi zawk a thlen loh nan ."

Johna chuan ngaihdam dil in , ama thiam loh vek ang chuan a sawi a , a bag chu la in 

"lo in en kawl tha ang che , a rei lo ang , ka hmangaih che " 

A sawi zawh chuan ka mittui a tla hial thei , ka ham haih a , sawi tur ka hrelo , thil kha a thleng teh deuh thut em a tin ani . 

A kal chhuak tur chu ka en reng a , nui suk pah in , a tawp nan ti ni awm fahran chuan min rawn leh hawi a , kawngka chu khar in a a kal liam lai chu ka thlir tawp ani ber mai .

Ka u min zilh na pawh chu ka ngaithla duh lo , ka khum ah chuan mu in , ka phone a hla chu ngaithla in ka in luh khuh a , ka mittui leh ka hnap chu a in pawlh nuai ani ber mai . 

Johna hnen a tang call leh text message engmah ka dawng bawk lo nen , ka awm thiam lo tak zet in , a mah pawh chu ka haw ngawih ngawih ani ber mai , min rawn biak hma a va biak chu ka  duh bik lo , tlawm ah kala ani zawk mah , a mipa chan chang zawk ani a , rilru pau khauh zawk leh pa chang zawk ani a , min hnem tur zawk anih lai in a reh hmak bawk si .

Zan lam ah chaw ka ei lo a , ka room ah chuan in kalh khum in , ka mu ani deuh tawp mai , kha chen kan awm dun ve tawh a , vawi leh khat a , in then ang mai a , han awm chu ka zuam lo in ka tuar thiam lo ani .

Ka hla ngaihthlak te chuan , ka rilru no kai tho in keimah leh keimah ka in ngaihtuah lung puam ani ber ang chu , hriat loh kar in ka biang ah ka mittui chu a rawn tla lum riai riai a , hruk pawh ka duh lo , min hruk hul sak tu nghak in ka awm mek chu a ni sia .

Zing lam dar khat vel ani tawh in ka hria , van a thiang nuam in , arsi te chu a lang riai riai a , ka whattapps ah lut in Johna online leh online lo chu ka en check reng a , Online tih a chung a in ziak kuau si in vawikhat pawh min la rawn be lo 

Thinrim tak a ka in ngaihtuah mek lai chuan , ka phone a rawn ri ta ral ral mai ,

Tun ang hun ah chuan tuman min rawn call ka ring bawk silo , 

Ka van lawm em ..... !!!   

Ka ngaihtuah lai mek chuan Johna hnen a tang in ani tlat , rang tak chuan ka la chhawn vat a , a nu leh pa zin an rawn hawn thu leh , chaw ei an neih a vang a , an buai thu te , a rawn sawi pah chuan thupha a rawn chawi nghal mawlh mawlh a , 

Ani ka biak hi chuan , ka rilru na leh ka hreawm na te hi a reh vek ni ber hian ka hria , a bul ah hi chuan naute ang hian ka awm ani ber mai .

A rawn kal theih tawh loh thu leh , mi dang a mah ai awh tur a rawn kal dawn thu a sawi chuan , hreawm kati in , ka hnuk a ulh a , ka tap aw ruau leh nghal a. 

Mi dang ka duh loh thu leh , ka zir that loh tur thu ka sawi te chuan , a mah zawk chuan min fuih mawlh mawlh ani ber mai , 

" Rema , ka hmangaih lutuk che , keipawn awm dun reng thei ila kati , mahse kan kar ah hian kan duh thlan na hian thu a nei lo em a tin ani , bak ah ka kal san hlen dawn che tih na pawh ani lo a , in hmuh na hun kan ngah tho a lawm , 

kan awm dun tam loh chuan kan in ngaih a zual ang a , a hma ai pawn kan in thla hlel leh zual sawt dawn a lawm , kan kar hi tumah tih chhiat ka phal lo, lo rinawm la, keipawn midang tumah neih ka  tum bik lo , 

ka hmangaih ang che hian hmangaih reng che ka duh ani, zan in chu ka bul ah awm la kati ngawt mai , thla a eng nuam ropui si a , kan pahnih in hmang dun thei ila aw .... tiraw " 

a sawi chu ngun tak in kalo ngaithla a , ka lawm tak zet a ni , ka tan rinawm reng a tum a vang leh min hmangaih zia ka hriat hian ka lawm in ka hlim tak zet ani .

Thil chi hrang hrang te sawi in , kan lo in be rei deuh te pawh a nia nge , zing lam dar nga alo ri thuak tawh , kan in mangtha a , ka mut dawn hnaih meuh chuan dar ruk a ri thuak tawh , 

Nimin lam thil thleng a vang khan , vawin lam pawh school kal ka tum lo hrim hrim bawk a , ka u chu a huat hian ka hua ani ber mai .

Ka room kawngka a rawn ri dat dat , thawh pawh ka tum lo , kan upa ber chuan aw zawi dam sat chuan , school ka kal dawn leh dawn loh min rawn zawt a , engmah an la hrelo ani ang tih ka rin avang chuan ka thawl huai mai , ka nawm sam loh thu ka sawi chuan , ani pawh chuan chawlh chu alo rem ti ve mai bawk a .

Chaw ei tur chuan min rawn koh a , in hnuai ah chuan ka chhuk , ka u chiah chu melh pawh ka melh lo a , biak pawh ka be lo , nidang a in fiam bawrh bawrh thin kha , hmel ma ang mai kan ni in ka hria , ka nu chuan kan Class Teacher chu phone in ka kal loh chhan te chu a hrilh a , chaw pawh ka ei tam thei lo 

Room ah chuan ka chho leh nghal mai a , ka nu chuan dam dawi min rawn pe , dik tak chuan ka dam loh vang pawh ni loin nimin a thil thleng leh , nizan Johna nen kan in bia kan men rei luat vang kha ani mah zawk  

Damdawi in a kal a , in check up ka duh leh duh loh min zawh chuan , luna sa tliah mai a nih thu leh ka ngaihtuah awm loh thu ka hrilh a , ka mu a , ka mut a chhuah bak ah nimin lam a , ka tap na mit la bui luk te nen chuan rei lote ah ka muhil nghal mai bawk a .

Tlai lam ah chuan , ka kawngka a rawn ri det det , " lo kut rawh " ka tih rual chiah chuan ka phu deuh zuk , Oma a rawn kal , a mak pawh kati , e nge a chhan pawh ka hrelo , ka phur deuh sur in ka hria .... !! 

Ka van lo lerh tak chhungril ah hian ka in ti !!!!!!! 

" Vawin i rawn kal silo a , ka ngaihtuah deuh che a , ka rawn tlawh kawi che a nih hi , i nu in i nawm sam loh thu a rawn sawi a , e nge i an tawh i tha tawh em ... ?? " 

A rawn tih chuan , a nui hmel mawlh mai kha , a va han duhawm tak ..... !! 

Mahse chu thil chu a hriat ka hlau bawk si ... !! 

Ka that tawh thu leh , lu na sa tliah mai mai , anih thu chuan ka chhang a , ka bul ah chuan rawn thu in , ka mit ah chuan min rawn en a , 

" I rawn kal lo a , a reh lutuk , i rawn kal loh hi chuan ka ngai che in , ka awm thiam thin silo a , ka thla hlel tak zet zet che ani .I chawlh dawn chuan min rawn hrilh hmasa tal thin la , kalo in rin lawk nan , hrilh hai deuh in min siam tawh suh aw .... " 

Ka kut vuan chung chuan a rawn ti , ka lu kalo bu nghat a , a nuih pah chuan ka hmui ah a rawn dek zeuh , ka mur chuai chuai mai .... !! 

Tun ah khan , Oma khan ka hmui ah  , ka hmui ah ngei khan min rawn fawp ngei sia , mahse kala ring hlel ta tho mai , ka mit vai chu ani silo a .

" Nimin a ka zawh na che kha , min chhang tawh la , ilo in ngaihtuah tawh em ... ?? " 

Ka harh chhuak hlawl , ni dawn tak , a hnen ah hian chhan na pek tur pawimawh tak ka nei a nih kha mawle , 

Omom , tun ah chuan kala nuam sam lo lutuk a , engmah pawh ka ngaihtuah thei lo , zan in ah ka hrilha ng che , aw nem zawi deuh raih chuan kati a , ani pawh chuan alu alo bu nghat nghat a , 

" Awle , teh reng mai , kalo nghak reng ang che , ka hmangaih che Rema " 

A kal dawn chuan , ka hmui ah bawk min rawn fawp leh , kava chhang let chak chiang tak em , mahse ka thei lo , hmangaih nei lai ka ni a , chutah ka hmangaih mek chuan , a thinlung zawng zawng in min lo hmangaih let ve bawk a , chuthil tluk a , ka tan a hlu leh ropui a awm lo ani .

Min fawh zawh chuan , a Scooty awm na thleng chuan ka zu thlah a , naktuk a in hmuh in tiam chung in kan in vai liam ta ani . 

Johna chuan zan lam ah , chaw ei chhuah pui tur chuan min sawm a , ka phur in ka aw rang teh a sin , phone a tang chuan a nui ri pawh ka hre pha , 

" e nge min nuih , a tha lawm , ka nuam sam lo sia , ni dang ah kan ti mai dawn nia  " 

Phone ka dah tau hmak , min rawn call leh rang chiang a lawm , kala lawk duh lo , in duh tawk ve tlat , a vawikhat na pawh a ring ral thak , a vawihnih na ah pawh kala la duh lo , a in ring ral leh .... 

 a vawithum na ah chuan , kala hram " Ka duat thinrim lo la , i chak zia ka hriat khan ka lawm em a lawm , kalo lam ang che aw .. in piah deuh thingkung bul ah khan lo awm la , ka rawn kal ang , lo in peih hma la aw ... ka ngai tawh che nia  " 

A dah hnu chuan , ka nu bul ah chaw ei tur a , kan thian ho a , kan chhuah tur thu ka hrilh chuan alo rem tive mai bawk a , mahse haw tlai hi phal ani lo , dar sawm hma ani deuh tawp mai . 

Ka u chiah chu kanu bul ah lo thu ve in , melh pawh ka melh lo , ka huat ngai in kala haw reng , ani pawn a ruk a ngaih zawng nei ve tho a ni a , ka nu leh pa  te awm loh hlan pawn an in hmu ziah tho , kei in ka neih tak ve lem a , mi an ti deuh hmuk hmuk kha ka ngai thei lo , 

" Tu  i thian te nen nge in chhuah dawn a , bak ah i dam sam lo bawk nen , i khawsik te kha a zual mai tur a sin " 

Ka nun pawisa min pek lai chuan ,ka u chiah chuan a rawn ti , chhang pawh ka chhang lo a , melh pawh ka melh lo , a thusawi te kha hrelo ang hmak ka ni .

Ngawi reng chuan , room ah ka chho a ka in siam mawlh mawlh a , thawmhnaw thim lam , zan lam ani dawn a vang chuan ka thlang a , ka in en deuh vang vang , langtha ka in tiin , mawi pawh ka in ti ve hle , 

Thian ho a thil tih te , eng eng e maw ni a awm reng reng hian,. ka nu leh ka pa hian kut ruak in min chhuah tir ngailo , sanghnih e maw tal hi chu kan unau in min pe ngei ngei thin , bak ah fapa mal te kalo ni a , ka u te ai pawh hian a let in min duat bak ah , 

keimah pawh hian chu chu rem chang ah hmang in pang chan pawh ka pang chang hle bawk .

In nghah na hmun tur a tih ah chuan , alo awm vang tawh mai , ka phei lai chu min lo melh reng a , in hmu thin tawh pawh ni mah ila , min ti lai lek lek tlat , ka nui phei deuh siai a , 

" min en reng chuan kan kal thei nang , chhungten min rawn hmuh hma hian kal vat ang " 

a nuih deuh sui , i thu vek a lawm ka hmangaih , ka hmui ah rawn fawh zeuh pah chuan kan kal ta a , kan in hi a zu fal in , kawngkam deuh tho si , mahse a zu luh ve deuh avang hian , mit mei ven tur em em a awm ngai meuh lo , 

Kan in phur chhuak a , falk land lam ah kan in phur phei , hnung lam a tang chuan nghet tak in ka kuah a , a kap zawn chu ka zut deuh thuak thuak bawk , a rawn nui leh hak thin . 

A kekawr chhan ka zut ka zut tak ah chuan , a hma ai kha chuan a rawn ruh in , a rawn mar deuh tan tawh , Johna hian min zahpui lo tih ka hria , a thian then khat te pawn kan in zui thu hi an hre nual nghe nghe bawk , 

Kan thlen chuan a thian te ho pawh an lo awm nual tawh , ka rin ai deih in an lo fel a , an rilru pawh alo zau phian , kan pahnih chauh kan nilo a , a thian dang te pawh chuan keimah ni ang deuh tho chuan an kawp pui te an rawn hruai ve bawk a , mipa leh hmeichhia in kawp pangngai tak kha chu pahnih chiah an awm , a bak kha chu mahni an pui kawp kan tam mah zawk .

Kan zing ah chuan Gospel singer , a hla ka ngaihthlak ve thin pakhat hi a tel bawk a , ka hmuh tirh chuan mak kati , mahse mak ti awm ang tak a han awm vel kha thil mawi tak ani silo a , mahse ka rilru chuan mak kati tawp thei lo , a chhan pawh Pathain hla sa meuh thin si kha , an nun ah thil mawi leh ropui hmuh kan beisei ve em em a , mahse chung zawng zawng chu alo ni  bik lo 

.

Khawvel lam thil ah , nun hlim na leh nawm chen na ah an lo fihlim bik lo reng reng , mahse mi zawng zawng hmuh ah an ti lang ngam chuang lo , an nun chhungril chuan zalen tak a awm te , an chak dan , an beisei na te , tih hlawh tlin an chak ve thin , mahse an kawng leh kha thil kha in perh san tlat a an hriat a vang in , 

Chhungril ah a ruk a tui hal tak si khan , an pawn lam lan dan e rawh a mawi in a ropui leh lawisi , nun in thup , mahni nihna ang a lang chhuak ngam lo a , an nun  tehi an van lo khawngaih thlak awm dawn em .... 

Kati rilru mawlh mawlh a , Johna chuan ka bengbul ah mak tilo tur leh , kala hriat belh chhoh zel tur thu a rawn sawi chuan , ka in thing harh a , ka kawm ve bawrh bawrh a , ka rin ai tak chuan kawm an nuam , number te in pein , Johna nen chuan kan kal san ta a , 

Kan haw tlang dawn emaw ka tih lai chuan kawngsir ah a ding , hotel lian em em lo, zarkawt ami ah chuan kan lut a , room alo book vek tawh , lukhum dum ka khum a , mask ka vuah bawk a , min hria ang tih kha ka hlau mah zawk , 

Room kawngka a khar chiah , ka kut ah min pawt let thut , nasa mang khen chuan min keih ta hmiah hmiah mai le , a chak na a so sang tawh ani ngei ang , keipawh chuan awm mai mai ka tum bik hauh lo , kalo chhang let ve nghal a .

Hnuai lam in ro a rel tan , kan thawmhnaw te chu a hnawk lam ah a kal mah tawh zawk in ka hria ...........