MARLBORO LIGHT

MARLBORO LIGHT 

( SHORT STORY )

By - Robert Pachuau 🌹🌹

Rilru nuam lo tak chung chuan ,ka khum ah chuan ka mu a , chan chin ka ngai chang reng bawk , a khat tawk in ka phone chu ka melh leh zeuh thin , mahse chan chin engmah a awm tak lo ah chuan , ka thawl deuh huai mai 

Ka chau tawng khawng deuh nge , ka mut thilh lai reng reng ka hre lo

Ni eng rawn de siai siai ah chuan , ka harh a ..... ka thu chhuak deuh thut , rang tak in ka phone ka en a 

Mahse engmah missed call leh ,message a awm lo a , tlem chuan beisei na pawh a rawn awm leh ta deuh e 

Tum ang leh beisei ang in , thil kal thei se zawng 

Thla leh mai khi ka nupui neih ni kha a ni tawh a , mahse chu zawng beisei bo mai tun din hmun ah chuan a ni ta si 

Ka nupui tur ber lah chu , a thiam loh pawh ni miah lo ah , midang fimkhur loh a zar ah 

ICU ah khum bet in , ni khaw hrelo leh biak pawh , biak theih loh in a let mek a ni sia 

Thla khat dawn chu a mu ta , hma kan sawn lo a , ngai kan awh a ni ber mah zawk ang chu 

Ka theih tawp han chhuah tum ve ngial thin mah ila , ka tan tih theih vak a awm silo a 

Tun ah chuan Pathian kut ah leh , Doctor te kut ah chiah , kan in nghat a ni ber mah zawk ang chu 

Pathian in zah a ngai ang a , Doctor te kal tlang in , dam na kan chan ngei pawh kan beisei a , Bang lo in kan tawngtai naah kan tel a ni ber , Ka nu leh pa te bak ah , ka nupui tur chhung te lam pawh , an theih tawp in pathian hnen an tawngtai a ,

Tin , kei ni mai bak ah kohhran mipui ho pawn , a hria hria chuan min khawngaih in 

min tawngtai pui awl lo bawk 

Ka chan ka hlau em em a , mahse chutih rual chuan , Pathian hnen ah vui na leh , ka lungawi loh thu ka thlen ngai hauh lo thung 

Ni e , engkim ti thei a ni a , a hun tak ah chuan ka tan a tha tur in rem a rawn ruat em em ang 

Nitin ka hna kal hma leh ban ah , Damdawi in lam ah kal kawi in ka awm deuh tawp 

Ka nupui tur chhung te pawh an in thla hrung in , nuam lo an tih zia pawh hai rual a ni lo , mahse Mipa ka ni a , he thil hi chu ka tih tur ve reng ah ka ngai nghet hmiah bawk

A kut chu ka vuan a , ka hmui zawn ah la chho in , duat tak leh dim tak in ka fawh sak a , ka mai mit chhing a ..... ni e ...... nun tluang tak zawh in , kan in hmangaih em em a , in hmuh thiam loh na nei thin mah ila , a tlawm ngai zawk leh 

a dawh thei zawk a ni ziah , min hrethiam em em a , a chang phei chuan min zilh chang lah a tam , mahse min hmangaih zia ka hriat chhuah phah fo reng a ni , ka hmangaih em em a , ka chan hi ka hlau tak zet a ni , a kut chu vuan in , a mut na bul  sir ah chuan ka in zalh ve a , a dar ah ka lu dah in , a awm ah ka kuah a , kan nun hlui ah chuan , eng dang dawn lo chuan , ka kir ta vang vang mai ............ 

Kum 2006 Kum thar pawh kan hmang zo ta , keipawh chu hmang tha viau chuan ka in hria , thian ho in kan chhuak mang lo , kohhran leh pawl thil tih na ah ka buai hle , ni e ... thalai ka ni a , hetiang thil tih ah hi chuan , bi bo pawl leh , a that chhe pawl a tel kha ka duh lo a , ka chung a tla leh min ruat ang hi chu tih pui tlin hram hram ka tum thin , buai pawh a reh a , keipawh hun thawl te pawh ka nei ta deuh e ,Kohrhan mipui leh ka nu leh pa te pawh hian min chhuang ve viau chuan ka hre thin , mahse chung zawng zawng chuan , chapo nan leh mahni in dah san nan ka hmang ngai meuh lo , chapo leh mi in dah sang , mahni tha in tih tlat na te hi ka tei theih zawng an ni hauh lo thung ....

College tan hun a ni a , kei pawh pawl sawm pahnih kha , tha tak in Pathian khawngaih na zar ah ka zo ve a , College luh na tur ah pawh ka lungngai lo hle bawk , ka ngaihtuah a  tha tak a ka pass thei mai pawh chu , a mak kati let ling zawk phian , Mahse a hun tak a che thin Pathian ka nei miau a lawm 

Kohhran leh khawtlang ah , ka theih ang tawk leh ka phak ang tawk in ka in hmang ve a , a chang chuan lehkha pawh ka zir mumal hman meuh lo , mahse ka tih chhiat phah ngai miah lo thung , Exam dawn phei chuan tlaivar in ka zir phah reng thin , ka phak ang tawk a Pathian tan a ka in pek na te , chu chu hria in a malsawm na pawh ka dawng reng fo 

Ka nu hian min hau fo a , mahse ka pa hi mipa ah pawh , pa rilru nghet leh a tih chu ti deuh bur chi a ni , a mah hi  Y.M.A ( Young Mizo Association ) deuh lam mi hi a ni a , tun ah pawh President a ni nghe nghe , ka pa hian min thlawp bawk a , ka nu hian a zawng a za chuan , min sawi sel ngam bik lo 

Mahse min hmangaih em em a , ka nu pawh ka tan tha hnem a ngaih vang tih pawh ka hai lo 

Mahse ka in hmang lak lawh tawh a , thian te kar a lo awl bik nih kha , ka tlawm ngai tlat a ni 

Ka pa hi Zohminga a ni a ( Pu Hming ) tiin an koh mai thin , pa lian leh rum lam pang a ni a , mahse a mah hre chiang tu te chuan an nel in an ngai na em em bawk , a mah hi fianthu duh deuh hi a ni reuh a, nuih pawh a duh viau ...

Ka nu hi Rinzuali a ni ve thung a ( Pi Zual ) an ti mai thin , ka nu hi a zahawm in , a nu lian teh chiam lo , mahse ka pa nen chuan in phu mawi tawk vel tak an ni , a fel in a dam em em a , ka pa hi a zah thiam em em bawk , a ni pawh MHIP ( Mizo Hmeichhe Insuih khawm Pawl ) treasurer ni lai mek a ni 

U pakhat hmeichhia ka nei a , Lalawmpuii ni in ( puipui ) an ti mai thin , M.A zo tawh in , tun ah hian Synod hnuai ah a thawk mek bawk , bial zaipawl ah a tel mek bawk 

U nau pahnih chiah kan ni a , min duat in keipawh in ka zah thiam em em bawk , ka u nen hian kum lam ah kan in thlau em em bawk 

Kei hi Franky Zodinliana ni in ( Franky ) min ti mai thin , Khatla ah kan awm a , kei hi ka pa ka chhun a , ka lian in ka muk deuh raih a , ka sang thelh thawlh viau , kan class ah pawh ka lang sar deuh vah zel , taksa in sawi zawi ka ngai pawi mawh em em a , ka taksa pawh a fit tha viau bawk 

Hmeichhia ah hian ka tla na deuh nge , kan thian ho zing ah pawh ka luck fal bik viau zel , class ah lehkha thawn te pawh ka dawng deuh zauh zauh thin bawk , mahse hna neih hma chu ngaihzawng neih ka tum lo bawk a , bak ah ka thian te leh , ka chhung te tih loh hi chu ka theng thawng ah an thawk vak lo 

Chutia pawl sawm pahnih tha tak a ka zawh ve tak ah chuan ,ka u nen chuan College luh na tur vel te chu kan buai pui ta a , luh chak na chu ka ngah , mahse keimah chuan Hrangbana College ( HBC) ah chuan ka chak deuh ber , ka chak ang ngei chuan seat chu kan lo la chang a , ka lawm phian zawk , ka thian te ho erawh hmun dang ah lut in , kan in kawm tlang thei hlawm ta lo 

Keipawh chuan thian thar  , ka siam a ngai ve dawn ta a nih hmel 

Mahse khawi hmun ah pawh ka tlang nel hma a , thian pawh ka nei hma thei viau bawk 

Chutia College te ka rah ve dawn tak ah chuan , ka nu leh pa te chuan ka awh em em mai , Bike chu min lei ve ta a , ka duh tak mai kan lei a , ka lungawi thaw khat viau bawk.... 

Naktuk mai chu kan class tan hun a ni tawh a , chhung in khawm na ah ka pa chuan hun hmang in , awm dan tur leh fimkhur a ngaih zia te sawi in , keipawh chuan ka ngaithla uluk in ,a thusawi chu a dik kati deuh viau  ka lu ka lo bu deuh nghut nghut bawk 

Class chu kan tan ta a , a ni khat na chu ka tling tla thei hram e , thian thar ka nei nghal bawk a  a zia phian ......... 

Class ka thulh ngai lo a , kan zirtir tu te pawn min duh sak in , mi hriat pawh ka hlawh viau bawk , ka sawi tawh kha , ngo ving veng chu ka ni lo a , mahse ka vun rawng leh ka sam awm dan te , ka pian te hi hmeichhe duh chi pawh a nia nge , rei pawh kan kal hma chuan , college ah ka lar deuh ti tih der tawh ......

Thla hnih dawn chu kan kal ta ... Class kan tan hma deuh in , kan ri deuh hak hak hlawm , kan miss a rawn lut a ,a rual in hmeichhe pakhat sang lam pang , a hnute chu a chhing deuh lah a , rin ai in a khal tha phian bawk , a sam chuan a dar a si cheng cheng , ngo lam ni in , a biang ah biang sum a nei deuh saih bawk 

Kan miss chu rawn tawng chhuak in 

" vawin ah class rawn join thar tur kan nei a , Debora Lalrinsangi  ni in , North College a tang a rawn in sawn a ni , in lo kawm ve ang a , tu pawn class tan ni a , mithar nih hreawm zia kan hriat vek kha ..... " kan ngawih deuh thap , ka lo en reng a , a lai deuh nge hnuai lam a melh deuh ran , chutah kan miss bawk chuan 

" Franky hma a thut na awl ah sawn lo va thu mai rawh ......... midang thu an awm tak leh ,  in lo in sing sa mai dawn nia " kan lam pan in a rawn kal a , miss chuan class a lak chhun zawm zat bawk , ka hma ah chuan rawn thu in , a ngawi deuh chal a , white board lam a miss thil ziah chu a en deuh ngal , kei pawh chuan ka lo ngaihsak vak bik talo 

Thla te vei in , exam pawh kan hnaih leh der tawh , ka zir lai ah ka rilru ka pe a , Deborai nen pawh kan in nel ve tawh viau bawk , a fel in a lehkha a thiam thei em em a , a tawng ka chhuak vel a dam deuh thlup bawk ,  a mah hi hi mi tawng tam  vak lo a ni nang in , rual pawl thiam tak a ni thung 

Mahse ka sawi tawh ang khan , ngaihzawng lam ah hian ka rilru hi ka pe vak meuh lo , ka thian te hi ka tan chuan ka ngaihzawng te an ni mai 

Zan khat chu exam hma deuh in , kan thian nu Seni Birthday kan lawm a , Seni te hi an hausa in a fel em em a , a in ngaitlawm in , rual pawl a thiam em em  bawk 

Hotel Floria ah a lawm dawn a vang chuan , keipawh chu ka in chei ve deuh a ...........

Ka thlen chuan an lo awm nual tawh , ka melh kual a , mahse Deboi ka hmu mai lo , chutah Cake an zai dawn tep chuan , Hall kawngka chu a rawn ri deuh talh talh  , kan hawi phei deuh thap , chutah Deboi chu kawrfual var a khup khuh thleng lo vel , a nghawng zau deuh , mahse mawi lo leh hmuh nuam lo khawp a zau chu a ni lo , pheikhawt sang a bun a , a sam a ti kir deuh bawk ..... 

Kan lo en deuh thup , midang ho pawh chuan mak an tih rual in , in hmeh an ti ve ngang a niang 

A in thla hrung hmel viau  , chutah a nuam lo chu tih reh nan ,cake zai chu ka rawt ta a , midang ho pawh chuan an chhun zawm leh nghal mai bawk a ....... 

Mahse thil dang ka ngaihtuah thei mawlh lo , Deboi rawn in chei dan leh a hmel mawlh mai khan ,keimah hi min kap tlat pek a nih chu , a khat tawk chuan ka va melh deuh zeuh zeuh nghe ngeh  , a thian dang te nen an awm ho a , a hlim ve a nia nge , a khi deuh reng mai , keilah chuan ka lo en chik ropui mai si .......... 

Hmeichhia vawi khat mah ngaihsak ngai lo khan , he nu lak a tang hian , ka mit chu kala sawn thei meuh lo a ni ber e ............... 

Keimah leh keimah pawh chu , mak ka in ti hial zawk 

Scooty a nei a, thlah ka chak viau na chu , a in khalh haw ta a , a liam tur chu ka thlir zui deuh vang vang 

Party na ah khan  , kan in be hman meuh lo kha a nia 

Kei pawh chu ka in khalh haw ve ta a , ka in thlak a , ka in bual zo khum ah ka mu , Deboi bawk chuan ka rilru a luah ngheh ni ngei tur a ni , mai mit ka chhing a , a kawngka rawn lut lai hmel mawlh mai kha , chuthil chuan min mawlh tlat pek a nih chu , ka lungphu a phu rang deuh ut ut in ka hria ........ 

Ni e , ka pha thei lo , kei Mipa mahni tawk a in la pa leh , Hmeichhia pawh ngaih sak ngai meuh lo khan , kha Hmeichhe pakhat lak ah khan 

Khanu .... ngei mai khan tun ah chuan ,  min ti a` a nih deuh ber mai hi maw ............ 

Mahse kei hian vawikhat mah , Hmeichhia hi kala bem lo a , ka zei bawk hek lo , engtin nge ka in sawi luh tak ang ......... 

Ka buai ve deuh hnap mai .............. Mahse thian te an awm a , lungngai lo tur ah in dah phawt ila .........

Ka ngaihtuah mek lai chuan , ka lo muhil ni ngei tur a ni , ka mut thilh lai reng reng ka hre lo , ka room kawng khar rawn ri dawt dawt ah chuan ka harh a ......

Ka phone ka en chuan Dar riat a lo ri deuh  thuak tawh ........ Peih lo zet in ka tho a , ka in bual a , chaw ei tur in ka chhuk a , ka pa chuan  thil pawi mawh sawi in , len chin hriat tih te a sawi deuh nuai 

Mahse ka tlangval ve tawh a , dan zawm vek chu ka tum rilru lo viau ....... 

Ti chuan Class kal tur chuan , ka in khalh chhuak leh ta nge nge e .......... Ka thlen meuh chuan , class an lo tan tep tawh , ka thleng fuh cher cher ngei mai .....

kan class room ka luh chuan , a hma ang tho chuan Deboi chu , ka dawh kan hma ah chuan alo la thu a , a mah ah chuan dang lam na vak a awm lo , mahse keimah ah hian dang lam na chu a awm ngei a lawm , ni e a dik chiah a ni , nizan a tang khan ka mit thla ah leh , ka suangtuah na thleng hian a luah hneh em a tin a ni ...... 

Ka hma lawk ah thu mahse , zu biak deuh tawp kha , ka ngam lo nge ka lai zawk , a hnung lam a tang chuan a che tla vel kha ,  ka lo en deuh ngawt ngawt a ni mai , a mah hi mi in vawng tak a nih ka ring , a hmel hi makeup hmang vak lo hian , a fiah fel fai em em a , class a tlai ngai lo a , haw mai mai ah  a kal lo ngai lo bawk , zirtir tu te thu sawi a ngai thla uluk em em bawk ........ 

Thup chi zia zang a ni talo , ka lo en leh deuh vang vang thin , a tawp ah chuan ka thian te chuan an hre ta nge nge e ......... 

Ni e an hre har kalo ti deuh mah mah zawk a , keimah mai hi chuan hma han lak vak ngaih na ka hrelo , hetiang lam hi chu ka tlaw na lam pang tak a nia , ka zei loh chu thu hran , ngaih zawng neih vel hi chu , a hma kha chuan buai na min thlen mai mai ,tih kha ka thupui kha a ni mai thin a , mahse tun ah chuan chu buai na leh , ho lam ah ka ngaih hring nun ah chuan , ka zuang lut mek chu a ni ta mai si a ......

Keipawh hi ka in ring hlel rum rum viau , mahse tun a ka mit a fuk na hian , min hip hneh ve em a tin a ni     ..........

Thla a vei a exam pawh kan zo leh tawh e ......

Thian te puih na zar ah , Deboi nen chuan kan in be chho ve ta a ....

A tir a ka zam ang em em kha chuan a ni talo

Tin , a mah a fel em em a , a puitling in mi pawh a zahthiam em em bawk , hriat loh kar in kan in kar chu a nghet chho telh telh a , tun ah chuan midang te ang in in ngai zawng kan lo ni ve ta reng mai ........ 

Kan in zui deuh chawt a , thian leh hmel hriat dang te bul ah pawh zep rual a ni ta bik lo , in ngai zawng thang chuan kan thang chak viau e , college ah pawh hrelo an awm deuh pheuh pheuh mai thei  tih tur vel a ni , a then in in hmeh min ti a , min lawmpui em em rual in , then khat lah in min lo sel thul , a bik in Deboi phei chu an tawng khum zeuh zeuh chang a tam , mahse a mah a fel a , alo dawng sawng thiam hlauh zel e ...... 

Khang kum thum kan in ngaih zawn chhung zawng khan eng harsat na leh buai na mah kan tawk ngai lo kha a nia , in hmuh thiam loh chang awm ve thin mahse , rei a ni ngailo , kan in ngai in kan in thla hlel em em thin kha a nia 

Kan chhung te ve ve pawn min duh ve ve in ka hria , an mahni lam ah eng thu tha lo mah hriat tur a awm ngai hauh lo , chutih rual chuan Deboi nu leh pa pawh ka ngai na a , ka nu ka pa ti in ka koh deuh bawrh bawrh thei bawk , an ni pawn min duat a , an fa ang mai a min en chang lah an ngah , B.A kan zawh khan kei chuan M.A ka chhun zawm leh a , Deboi chu a pa thian te zar ah hna a hmuh nghal mai  bawk nen khan , M.A a chhun zawm ta lo kha a nia , mahse kan in hlat phah lo in , kan in ngai zual em em a , keipawh chuan hmuh hlan ka nghak hlel thei hle , ka zirna in a tih chhiat phah te hlau in , Deboi pawh hian min zilh malh malh ve reng , mahse ka ngai thu tak ngai meuh lo kha a nia 

Kan in ngaih zawn chhung zawng hian , sex lam kaih hnawih hian kan in fiam ngai lo bak ah , in kiss tih loh hi chu thlen thui vak kan tum lo , hei vang te pawh hi a niang , kan in kar ah harsat na leh buai na awm loh chu thu hran , kan in thlak hlel em em ni ......

Exam dawn chuan kan i be rei ngai lo ,ka van neih leh em em na pakhat chu , Deboi hian ka tan tawngtai in Pathian hnen ah kan in kar thu hi a thlen vek zel ,  kan hun te a in mil reng thei tak bik loh ah chuan , in biak loh chang te pawh kan neih zeuh zeuh , kan in biak hi chuan kan duh thawh dun leh viau lawi si 

Exam dawn phei chuan kan in be ngai lo tluk a ni , a hna ah a buai ve thei em em a ,ka Message a reply mai loh pawn , a hman hun a a rawn reply a piang hian thu pha a chawi ve ziah bawk , kum lam ah chuan kan in thlau  teh chiam lo , kei ai kum thum in a anua deuh hret a ni 

M.A ka zawh kum hian , in neih pui ah khan ka sawm ve ngei a , mahse keimah lam zawk ah hna ka la neih mai loh a vang leh , kan chhung te lam chuan min la ngaihtuah deuh a vang khan , kan in nghak leh ta rih kha a nia ....

Kum thum a vei leh meuh chuan , keipawh chian company pakhat ah Director hna chelh tawh in , kum nga ngawt kan in zui tih na a nih chu , mahse khang chhung zawng khan , kan pahnih ah buai na kan nei lo , kan chhung te pawh khan , in nei ta pawh ni ila , harsat na an nei ta bik lo kha a nia , khuanu ruat an tih thin ngei mai chu , keini pahnih tluk hi an awm dawn em ni , kan hring nun kawng zawh chhoh , hman tak zawng zawng ah khan , eng harsat na leh buai na mah kan tawk lo , harsat na leh buai na ka tih ah khan , kan tawk ve tho , mahse mite sawi ang a hreawm leh lung chhiat thlak engmah a awm lo ka tih na lam zawk a nia .......

Hetiang hringnun hi lo zawh chho char char ta ila , tun ang hun pawh hi ka tawn a ngai awm kher silo a ....... 

Zan khat chu thla a eng em em a , in propose nan pawn zan duhawm tak a ni , engkim plan sa ang thlap in a kal a 

Deboi chu an in a tang in ka va lam a , Hotel lam pan in kan in khalh chhuak ta .....

Dawh kan chu mawi tak in alo in set a , a bul ah chuan Candles ( mombati ) chu mawi tak leh awmze nei a rem tih hriat tak hian , alo eng deuh phat bawk , a eng chu dim deuh ruih mahse 

kan hmel chu kan in hmu chiang thei viau , zan in phei chu ni dang zawng ai khan , a mawi in a dress te chu a in hmeh em em hle bawk 

Dawh kan ah ei tur an rawn dah a , ei tum in a in siam tha mek , muang chang in a kut chu ka va ban a , dawh kan mawi tak  candles in a hual vel riai , sir ah chuan thingthi in , ngun tak in ka en chho a , a kut chu a zam ve deuh a niang , a khur deuh dat dat mai ...

chutan , muang chang in a hma ai a chik  leh chiang  zawk in ka han en a ...........

" Debo ka hring nun zin kawng ah hian , ka ma mawh em em che a , i tel lo chuan ka kim thei lo , kha chen kan in zui a , kan in zui chhung zawng khan , i lak ah hian vui na tur leh , lungawi loh na sawi tur hi ka nei ngai lo , mitam tak mit hmuh ah chuan i famkim lo pawh a ni mai thei , tin kei ngei pawh , mahse ka mit hmuh ah chuan nang aia tha leh fam kim hi ka hrelo a ni , he ka hringnun zawh mek hi , kekmah mai chuan ka zawh thei lo a, ka tluk chang leh ka chak loh chang pawh a awm ang , chung zawng zawng ah chuan , ka bul a awm a , ka hring nun hi hei ai a ti famkim leh zual tur in , ka duh che a ni , min nei duh a ngem .... ??? 

A ngawi deuh vang vang , a biang ah mittui a rawn luang deuh ngiai ngiai a 

"  Franky Zodinlian , nang hi mipa ka hmangaih hmasak ber awm chhun leh , ka hmangaih hnu hnun ber ni tur in ka duh che a , chuan dam chhung a i bul a awm hi ka duh , ka hmangaih che , ka hmangaih reng bawk ang che " 

Ka kuah deuh vang vang a , a mit ah en chho in , min lo melh kalh , ka fawp deuh vang vang a , ei tur kan ei zawh chuan Hotel a tang kan kan chhuak , Motor a tang a ka tlan chhuak deuh chiah kha , mi pakhat Motor khalh chuan min rawn su deuh dawt a , a bak chu dam dawi in a kan awm leh kha a ni mai , ka harh chuan ka chhung te an lo awm deuh thap tawh , kei chu ka na vak lo nge , mahse Deboi kha chu tun thleng hian ala harh lo kha a nia 

Harh chhuak leh pawh nise , Doctor te chuan a hriat na a hlauh hial pawh an ring nghe nghe bawk

Ka dar rawn in sawi deuh dat dat ah chuan , ka harh chhuak ta a , ka nupui tur mut kuah chuan ka lo mu reng chu ni in , ka nu chuan ( Deboi nu ka sawi na ) 

" bawiha a tlai tawh e mai , va haw la va hahdan tawh khai , hei i nau te pawh an awm a , an nin lo pui ve tawh rawh se ..... " 

min lo en deuh thap , an mit a min lainat na hmel chu ka hmuh hmaih bik lo , muang chang in ka chhuak a , kan in lam pan chuan ka in khalh haw ta a 

Thla thum meuh a vei ta , hma kan sawn mawh hle , ka thian te leh ka laina hnai deuh chuan , midang neih san mai tur in , thu rawn pawh min pe fo , ka lo nuih liam pui zel mai bawk a , mahse kei chuan beisei na ka la nei tlat a , chu ti mai a phatsan pawh ka tum hek lo , ani hi ka hmangaih hmasak ber awm chhun leh , a tawp na pawh a ni bawk ang , a ni hi ka nei thei dawn lo a nih chuan , ka dam chhung a tumah neih loh pawh  ka thlang zawk 

Damdawi in bill a sang tawh em em a , a chhung te chuan in lam a in en kawl mai an duh tawh , mahse kei ka awm a , a that hma chu chhuah ka rem ti hauh lo thung , a bill man chu ka pe mai ang , ka tang lak lawh ve tlat tawh 

A tam zawk hian beisei na an nei tawh lo tih ka hria , mahse chu zawng Pathian thu thu , kei ni lo ngaihtuah ve tur pawh a ni lo e 

Zep loh chuan in ti pau khauh viau mah ila , beisei na mihring lam a tang chuan ka nei tawh bik lo , ka tawng tai a , ka tan ni loin ka hmangaih Deboi tan , 

" Lalpa a dam ka duh em em a , kan inhmangaih zia leh , kan in duh zia pawh i hria , tun ah hian a tihsual leh a thiam loh pawh ni miah lo ah , tun ah hian a tuar mek a ni , i hmuh hmaih bik chu ka ring hauh lo , nang chuan mihring te nun ah beisei na thlawn i tuk sak ngailo tih ka hria , tun ah hian Lalpa ka tan a i ruat a nih chuan , khawngaih in min pe let leh la , a ni lo a nih chuan i kut ah a ni mai , heti ringawt chuan Lalpa ana emai , ka tuar thei lo , khawngaih in ..... " 

Ka ngen mawlh mawlh a , ka tan chuan a hlu em em a, ka chan hi ka hlau ani 

Beisei na ka nei lian em em a , Lalpa'n min tih dam sak ka ring tlat bawk , thla hnih lai a liam ve ta , Deboi pawh a tha tawh em em a , a thu chhuak thei ve ta , mahse a ke a zeng tlat a , a hmang thei dawn lo tih na a nih chu , a hriat tirh phei chuan a tap nasa , tawrh pawh a tuar hle bawk , chu ai mah chuan keimah vang vek ni ber in ka in hria a , keimah ah chuan nuam lo tih na chu , ka dam chhung in a awm tawh dawn chu a ni sia 

Deboi chuan duh lo viau mahse , neih luih chu ka tum tlat si a , a tawp ah phei chuan a tang duh ta bik lo , kohhran dan chuan kan in nei ta ngei e ......

Ni e , hmangaih na hi chuan engkim alo ti thei khawp mai , ka dam chhung in a ni hi ka hmangaih hmasak ber leh a tawp na a ni bawk 

Kum tam a liam ta , Pathian hruai na zar ah fa pahnih nei ve tawh in , tun ah chuan School an rap ve ve a , kan chhung kua pawh kan hlim e , tun hnu hian khum bet a , na tak a a awm lai a kalo phatsan lo kha  , ka in chhir reng reng lo , in chhir a hnek in ka dam chhung a ka theih nghilh ngai tawh loh tur hlim na min pe si a 

Debora Lalrinsang ka hmangaih che a , ka thawk tek tek chhung chuan , kei leh nang ka fate thleng hian , nun hreawm leh harsa in kan awm ngai lo ang 

Ka hmangaih che ........ 

( Ka story te min hlut sak thin tu te chung ah , thinlung tak in lawmthu ka sawi a , mi te ang in tawngkam ka thiam lo em em a  , duh khawp loh lai leh chuti deuh chuan ti la , engkim sawisel na in neih phawt chuan , in thla hrung lo khan in rawn sawi dawn nia , feed back hi ka mamawh em em a , chuan he story hi a chhiar tu zawng zawng tan ka hlan e 

Ka lawm e ...... 🌹🌹🌹 )