THINLUNG HLIAM PAGE-3

○THINLUNG HLIAM 

○CHAPTER - 5 

○By - Robert Pachuau 🌹🌹

○Atuk khawvar rual chuan ka harh a,thingpui in pah chuan vawiin lam a kan test tur te ka en nawn leh zung zung a, Heleni pawh chu rawn tho chhuak ve tawh in nimin lam a engmah thleng lo ang mai chuan ka lo be bawrh bawrh a,a awm dan ah chuan nuam ati vak bik chuang lo in ka hria, ni e, hmeichhe pangngai ani a a dem awm hran chuang lo e, tuk thuan te kan ei zawh hnu chuan class kal tur chuan kan in siam ta a .... Heleni hi a thiannu in a rawn sawm thin avang in an kal rual thei mai a,keipawh ka thianpa nen hian kan kal deuh tlangpui thin ... Kan tih nek nek chhung in hun pawh aliam a,Alicei nen phei chuan kan in be khat tawh em em mai a ,ka hman ve meuh hi chuan a mut hun vel ni tawh in ka be ngam ngai meuh lo ani,ka ngai vawng vawng thin,min ngai ve thin tak ang maw... In hmu thei lo ta chu engtin nge a awm anga engtin nge hun a hman ve anga college ah tute nge a kawm thin tih thleng hian rilru ah hian ngaihtuah na arawn lut zung zung mai ani, ka thianpa ka zawh lah in athat thu leh ahlim thu chauh in min chhang thin si a.

○Hun te liam ve zel in kum tawp lam pawh kan lo thleng ve dawn ta, mahni khawlam ah Christmas leh kum thar hmang tur a kan haw tur chu kan hlim in kan phur dun khawp mai kei phei chu ka helh hawlh viau reng ani, karleh ah haw tur kan ni bawka, ahma la awm kar phei chu in bazar nan kan hmang deuh tawp ani mai, kum thar tir lama chhuk leh tur kan nih avang chuan kan in luah pawh advance te pe lawk in kan thil phei chu kan hnut chhiah nual bawk,kar leh mai kan flight anih tawh avang chuan thiante nen kan chhuah deuh reng bakah an in ah te chaw te kan ei kual dun nasa khawp mai (Heleni nen hian kan kawm te ain ang chiah loh avang hian kan in then deuh tawp zel mahni tuan na mual lam lam hi ani deuh tawp mai ) kar lo ah kan haw hun pawh alo thleng ta reng mai,zan lam ah ka duat ka enchim loh leh ka ngaih em em nen chuan in bia in ka phur tawh thu leh ka hmuh chak tawh thu te ka hrilh mawlh mawlh a,ani pawh alo phur ve ngang mai atuk hlim taka thawh beisei tak chung chuan zan mu chu ka tuah ta a ... 

○Zing lam kan flight a nih chuan kan tho hma in kan in peih hma khawp mai , ti chuan mizoram lam pan chuan kan chhuak ta ani ka rinang ngei in kan chhung te ve ve chuan air port ah chuan min lo hmuaka in hmuh leh in tiam chung in Heleni nen chuan kan in thlah ta ani .... In kan thlen chuan anuam dangdai khawp mai, mahni room ngeia hahdam taka han mut veng veng chu thu hran mahni in ngeia awm tluka nuam alo awm loh zia hi ka hre chhuak awn awn mai ani ... 

○Zan lam ah chuan thenrual tha te rawn leng in ka chau deuh nge mawni ka duati nen kan in biak zawh rual chuan ka chartthla ve nghal mai bawka , zing ka thawh chuan ka chhung te chuan tulthuan te lo ei tawh in kanu chuan chaw ei te min lo siam sawk sawk a, keipawh chuan kil ve nghal in ka ei zawh chuan chhuak tura in siam in ka duati te in lam chu ka pan ding nghal char char mai ni,an in ka va thlen chuan alo buai khawp mai min lo hmu chu min lo kuah in a mittui te chu atla zawih zawih mai a,dam tak a kan in hmu leh alawm zia te,min ngaihthu te chu min lo hrilh mawlh mawlh mai ani, ti chuan in chhung lamah te lut in anu leh pa te hian min lo lawm thiam em em a keipawh hi ka in ti mikhual lo reng bawk a,tichuan kan in kawm chhung in khua pawh alo tlai leh tawh khawp mai,chaw te ei ve nghal tur a min sawm na erawh chu kan pha deuh tak na a ( rilru chuan a chak ru khawp mai haha........ mahse chhungte ka hrilh lawk bawk lo nen ui tak chung chuan kan in thlah ta ani  ) Zan lam ah in biak te in tiam in kan in mangtha ta a,zan lam ah chuan phone call a in bia ain atuk lam ah in hmuh in tiam chung in kan in mangtha ta ani ( hun leh darkar hi pawh sei theih nise zawng khawvel mipui te thinrim na tawng baw hial khawpa pawh nawn reng mai hi ka duh hial kan in kham lo em atin bawk ani,khuanu lah hian kan hun neih chhun te hi min pe tawi thei sia ) ti chuan atuk lam ah chuan in hmu in khawi khawi ah emaw te kan chhuak a,atan a ka thil hawn sak te chu pe in alawm khawp mai ... 

○Kumin Christmas chu kawn chei te fang kual in thian te ho nen kan hlim tlang hlawm khawp mai Alicei ne chuan kal hrang in Durtlang hmun fianrial lam ah chuan kan kal taa  .. kan in ngaiin kan in thlakhlelh em em bak ah hun tha hi kan nei thei meuh lo ani,zan in chu kan hun tha neih hi bawhpelh ka tum hauh lo,ti chuan thil eng eng emaw asawi lai chuan ain rin loh lutuk lai chuan ahmui sen no siah mai ah chuan ka va fawp vawng vawng a  .... mahse ka rin ang alo ni hauh lo min chhang let chiang hle mai ka kut hlei nge ka duh thawh deuh chuan a hnute kan tham deuh tawn tawn bawk a,anuam ti chu a thaw deuh halh halh mai a aia uar chuan ka kiss mawlh mawlh bawk a, zanin zet chu ti fuh ka in ti ve hle,a hnuai lam kan thleng chu ka kut ah lo man in a duh rih loh thu leh Pathian hmaa thianghlim taka lan aduh thu min hrilha keipawh chuan mak ka ti ve deuh lek lek,heti em em maia hmeichhia mahni in vawng leh Pathian tih hi ka rilru tak chuan ka ngaisang ru hle zawk ani 

○Atlai deuh tawh avang chuan han thu hahdam deuh chuan kan in kuah vawng vawng deuh phawt a ti chuan an in lam pan chuan kan in khalh chhuak ta a ...  In kan thlen chuan keipawh lut kawi talo chuan kan in mangtha ta a 

○Kumthar te chuang kai in keipawh ka zir na lam avang chuan phai lam a ka kal alo hun leh dawn ta reng mai Alicei chuan a huphurh em em a,mizoram lama in sawn mai tur chuan min duh viau na chu chhungte thu hi tun dinhmun ah chuan ka hnial ngam mai bik lo ani,phur lo leh hreh ru tak chunga kan in thlah leh rih mai angai dawn ta ani 

       " karmah hla se leng dang tawn ah

         lung her tum lo la keipawn

         duh lai i tan a rinawm zel hi 

          ka duhsam ber ani " 

○Ti chuan phur fa hran lo chuan ka zirlai te chhun zawm tur chuan ka liam ta ani.Heleni nen chuan in kawp leh deuh chawt in kan in hmuh loh kar ah Heleni pawh alo cher deuh nge a pian te chu alo dang tawh hle mai,ti chuan in ti fel zung zung in kan chau tlang dun bawk a ei rawng pawh bawl ta lem lo chuan zanriah chu hmun dang ami order in kan ei zawk ta a, kan chaw ei chu sawi tur kan ngah in kan ti ti tui dun khawp mai kan in tih fel chuan mahni mut na lam ah kan in tin san ta ani ...  rei lote ka duati nen chuan in bia in kan in mang tha ta a .... Atuk ah chuan a ngai te bawk in class kan tan leh ta a a ni khat na te ani bawka vawin chu kan free ni leng hi ani ber mai..... Kan bang a bazar haw chu ka duati nen chuan in bia in kan inbe rei vak lo,kan in thlaha keipawh chu reilote hnu ah chuan ka muhil ve ta mai bawka 

○(hun te hi akal chak teh e aw .... akal chak ang hu in thil tam tak akeng tela mihring in kan hriat loh leh kan la tawn ngai loh thleng hian arawn her chhuah pui thei nia ... ) Ka mu chu ka lo mu tui deuh bawk nge Heleni lo haw lai chu ka lo hre lo reng reng a ka harh chuan ka khum bul ah chuan lo ding in ka mu lai chu min lo thlir char char chu niin ka hmu chu ka phu deuh zuk mai .... rawn nui deuh pah chuan rukru em pawh ka nih loh hi aw tiin min rawn en deuh kalh a,kei chu lai deuh ti tih pah ba hlah nuai chuan, nia ilo lang deuh thut bawk sia chu vang mai mai chu mawle ka ti sam eta Heleni chuan " Ka thlir na che arei tawh alawm ila mutui sia ka kai tho duh lo che a, ti hian ka lo thlir deuh char char che anih hi ' atih chuan ka ngaih atha lo hial,lo awm dun lo ni ila tih te hial ka ngaihtuah hman mawle a chhan chu kan pahnih tan hian thil tha ber tur pawh ani mai thei ani Heleni chuan " Oma ka hmangaih em em che a tun ah chuan a chhan na pawh ka beisei kher lo mahse kalo nghak char char thei che ania " tiin sawi tur ka hre loin ka ham haih hial, ka khawngaih tak zet ani,kei aia mipa tha leh fel hi aphu zawk hliah hliah ani .... 

○Hun te liam ve zel in Alicei nen hian thla thum  dawn chu kan in be tawh lo,ka phone call ala duh bawk si lo a,ka message lah a reply duh hek lo a chhan pawh ka hrelo,anau ka zawh lah in a hriat loh thu in min chhang zel bawk si a ngaihna ka hrelo in ka bang bo tak zet ani, mahse kei chuan beisei tak chung in ka lo la thlir char char ani zan tin mai hi min chhan hun beisei in call loh lai hi ka nei meuh lo,mahse vawikhat mah chhan na hi ka dawng ngai lo a, a chhan ka zawh lah in messenge a reply ngai bawk silo

○zing kar ah ka phone chu rawn ri ral ral in ka en chuan ka u alo ni reng a, rang tak chuan la nghal in ka thu hriat chuan min va thawng tak em"  engtin nge khang zawng zawng kha in bum na em ni nge dawt zawk hmangaih na a sawi ve te kha dawt vek maw lo ni,ka bing in ka rilru na lutuk chu ka dawhkan a thil awm chu paih darh vek in ka khum te chu ka sawi sa nasa khawp mai khang a sawi hmangaih na leh rinawm na te kha dawt vek maw lo ni lem chan ilo thiam hle mai,ni e,kal rawh i duhtak chu va nei mawlh ang che,kei ai i duh ape thei zawi ang che chu, kal rawh,kal mawlh rawh rilru na taka thlah chung chuan an chhia te chu ka lawh hawrh bawrh bawk a,Heleni min hnem tum la lo kal chu chhuak tur leh min ti buai lo tur chuan ka ti bawk a,class pawh ka kal lo in ah chuan kain khung deuh chawt ani mai 

○Ni e kei aia mipa tha zawk a hmu a,lawm tur ka ni,mahse, khawnge kan sawi hman a hmangaihna te chhungkaw din tum a kan suangtuahna te,dam chhung a in then lo tur a kan intiamna te kha khawnge a awm tak!

○Ni e,mi pakhat hringnun tih chhiat nan leh hreawm taka siam nan chuan minute khat pawh hi alo tawk em em atin ani.

THINLUNG HLIAM 

○CHAPTER - 6 ( last chapter ) 

○By - Robert Pachuau 🌹🌹

○Hun te aliam ve zela kei pawh ka khawhar na leh ka nat na te pawh chuan zawi zawi in min kian san ve zel bawk a , a hrehawm ber chu vawi khat kal san ka ni tawh a .. ,tun ah avawi hnih na atan phatsan ka ni leh hi ani e ... 

○Ni e hmangaih na lam ah hian tluang lo riau an awm a chung zing a mi ah pawh chuan ka lo tel ve thei reng awm sia , mahse he hringnun hrehawmna ram ah hian cheng thei ka ni lo , ka hmalam hun ngaihtuah chung a chak tak a ka awm hi angai zawk ani . .. ni e hun in ala liam pui anga ka tana khuanu in aruat chu kala tawng ve mai thei asin ..... 

○Vawihnih ka thinlung hliam in a awm tawh a, hmangaih nei leh tur hian ka in ring tawk chiah em ... Ka na leh mai lo ang maw .... 

○Nge ka tana khua nun a ruat hi kala tawng fuh lo zawk? eng pawh chu nise tun ah rih chuan ka hma hun atan hian ka pachan hi angai tak zet ani , ka lung aleng em em a keimah pawh hi a chang chuan ka in huat phah fo thin,a chhan chu hmeichhe pakhat kal san vang mai a rilru na tak a ka in dawm kun thin hi ani .

○tlai tin amah ngaih avang chuan ( beach ) ah chuan tlai ni tla tur en chuan ka kal ziah thin a ,chu ni tla tur eng no riai chuan sulhnu leh lunglen na te chu kai tho in mittui nen ka thlah liam chang atam , chu ni tla chuan ka thinlung hreawm na leh ka lunglen na tehi eng tik ni ah emaw chuan ala liam pui ve anga,chu tih hun ah chuan heng ka nat na leh ka hreawm na te , khang ka tawrh zo zai te kha ka hringnun diary ah chuan a in ziak reng tawh ang, khang hun zawng zawng te leh an ni ngai lo khan engtik hun ah emaw chuan ka tan kawl alo la eng ngei ang le , kha sulhnu hreawm leh chhengchhe tak kar atang khan ka zalen hun ah meuh chuan 

○Ka thinlung hliam hi chatuan atan abo tawh ang .

Hun leh ni liam zel in Helen-i nen chuan kan in kawp a,anin hmangaih tak te a min hmangaih chung pawh in ka thinlung chhungril ber atangin hmangaihna ka hlan thei meuh lo,kan zirna kan zawh hma chu haw pawh kan tum lem lo,ral atang pawh a ka thinlung rûm tir vawng vawng tu hi hmaichhan meuh a hmuh ah chuan ka la zuam lo ani,Heleni pawh ka khing lehlam ang maiin ka kiang ah a tàp chawt a,engkim ah sel na tur ka hmu eih lo chungin ka hmangaih thei meuh chuang lo,mahse in hmu tam leh in chenchilh na na na chu a hmangaihna in min vûr hneh bawk nen angel te dai ngailoh ram nuam chu kan dai dun ta fo a,a hnu ah phei chuan a ruak lo ta hial a,kan chhung te kan hrilh chuan in hauh in awmzia awm tawh hek lo le,a rang lam a inneihna buatsaih turin thu kan ti tlu rum rum a,mizoram lam kan pan leh ta,inneih boruak a zawh hun a ka zir zawh loh zir leh chu ka la tum fan a.

Kan inneih dar a ri ral ral a,mo kawrfual mawi danglam zet ha chungin ka dinna lam maicham chu a rawn pan hnalh hnalh a,a hmel hi chu a tha chiang alawm,hun kal deuh se ka la hmangaih theih ka ring tlat a,tum pawh ka tum dawn ani.

Inneih hun chhung a zawh chuan after party kan buatsaih ah chuan ning ru tak chungin ka awm ve hram hram a,a moneitu ber awm bo thil mawi pawh va ni suh! Mahse,eng thu in nge min deng ta hi,ka hmangaih,ka hmangaih em em mai Alice-i boral thu maw!

Rang takin Heleni nen chuan Alice-i te in ah chuan kan kal a,Heleni leh kei chu a min hmuh rual rual in lungchhe vankai in Alice nu a tap rawih rawih,kei pawh ka pachang zo meuh lo,Alice diary Alice-i nu in min pek chu ka keu a,ka hmangaih Alice khan thisen cancer a lo vei a maw?

Ka nghilh dup a,ka mitsulh bawk,thawk ka la vang vang a,ka chhiar zawm ta zel a,"Om,ka hmangaih che a,ka hmangaih reng bawk ang che,he khawvel nunrawng ah hian rei ka cham dawn tawh lo a,nang chuan hmabak thui tak ila nei si,nakin lawk a kalsan tur che ka nih vangin dawt hmang in ka bum che a,hmangaih dang ka nei a,pasal dang ka nei dawn tiin,ka lei taksa a ral hun a i nat lutuk loh nan ti ka ni,kei chuan pialral ah ka lo nghak ang che a,ilo thlen ve hun ah he khawvel nunrawng zet a i kiang a ka awm theih loh avang in Heleni hnen ah  khan pialral ah tal chuan ka kiang i awm ve theih nan ka dil dawn ani,ka hmangaih che 

ka hmangaih,mangtha aw,min han hre chhuak ve thin ang che aw",ka chhiar zo chu ka mang vek a,ka thinlung na in min vilh ngut ngut,hmeichhe lungmawl lutuk leh hmangaihna ngah lutuk nu,ka theihnghilh ngailo ang che tiin THINLUNG HLIAM rûm vawng vawng chungin ka nupui lo ni ta Helen nen chuan ka hmangaih Alice thlan tharlam zet lam pan chuan kan kal hnak hnak a....

(A tawp ta,min chhiarsak tu te leh comment lan a min fuih phur tu te zawng zawng chung ah lawmthu ka sawi mawlh mawlh e).