HEAVEN

HEAVEN 

( SHORT STORY ) 

By - Robert Pachuau 🌹🌹

Nu , Pa chibai ule in lo dam tlang em , tunlai chu ka buai thei lutuk a , ka rawn kal tam hman meuh lo a ni e , bak ah ka pi a dam lo a , mahni a en kawl chu thil harsa tak ani , nu pa ka ngai thei lutuk che u , in awm loh tak ah chuan nu leh pa neih loh hrehawm zia ka hria asin , ka ni te bul ah min kal san hnu khan ka awm ve rawih a , mahse an ni lah in fa pathum lai an lo nei bawk nen , keichu an chhung kaw zing ah pawh chhiar tel ka ni ve tawh meuh lo ani ber mai , lehkha zir na hun pawh ka nei ve hman meuh lo . 

Ka awm phei tak a tang in engkim a fa ten an tih thin kha keima kut ah a tlak tak vek a vang in , a chang chuan hah thlak chang lah a atam mahse duhthlan tur ka nei chuang hlei nem , ka ni fate lah in  school ah fiamthu thawh nan  an thian te bul ah min hman chang lah a tam , a chang phei chuan a fate homework leh home assignment zawng zawng ka tih sak vek a ngai a , thlengsil ei rawng bawl leh tui chawi , gas lak thleng in ka tih vek a ngai bawk nen , a chang phei chuan hrehawm ka ti lutuk hi tah chang ka nei a sin , ka ngai ngawih ngawih lutuk che u , in rual khan lo kal ve deih ni ila tha tur a  a nia , dam chak na leh in haw chak na pawh ka nei tawh meuh lo , ka ni in min an khum reng a , a fa te tih dik loh leh thiam loh na ah pawh keimah vek min puh zel a , ka ni pasal pawh in kut min thlak chang lah a tam .

School kal ai chuan lo lam hna ka thawk tam zawk a , ram riak in kartin deuhthaw ka awm ani ber mai , khawlam ai chuan ram lam ah ka tam zawk a , school naupang form ha a , school kal thin te ka hmuh chang hian keimah leh keimah hi ka in khawngaih ngawih ngawih zel , ka duh leh mamawh zawng lah ka sawi ngam ngai hek lo , thawmhnaw tha leh mawi ai chuan ram lam thawmhnaw in chei na hi ka ngah deih zawk , ka thawmhnaw tha leh ka thil neih that deuh ho chu ka unau ten min chhuh zel si a , ka tan lah lo ui vak ngaih na a awm bawk silo nen , ka tan chuan thil tha leh hlu te chu van a rah ang mai a ni , kan chhungte dang hriat leh belh tur ka nei silo a , hreawm kha ka tuar nasa thei a sin aw , tu hnen a tang mah in khawngaih na leh zah ngaihna ka hmu ngai meuh lo .

Chhungkhat lai na hnai te an rawn len in min duat thiam em em a ,  an fate ai mah in min duat e maw tih mai tur in mahse an kal liam chuan , vin hrawk leh hauh chauh ka chan ani leh tho thin , kan chhungte bak ah thenawm te hi rawn leng reng se kati ngawt mai , ka tan chu mi hun chhung reilo te pawh chu a nuam ve em em a tin a ni .

Nu Pa ka hreawm na leh ka retheih zia te kha min lo thlir ve reng thin ang tiraw , khang hun chhung zawng khan nang ni tluk a ka bul a awm tur a duh leh mamawh ka nei meuh lo ka ngai tak zet che u ani , vawikhat tal khan hrehawm na leh harsat na ka tawh chhung khan in mittui tla in hmuh hreawm in lo ti ve thin em , mahse maw nu pa ka dem lo cheu a nia , khang thil zawng zawng khan keimah ah huaisen na leh dawh theih na te , midang hmangaih dan thleng in ka zir thiam phah a , tin , mizo tlawm ngaihna nun lo hlut zia te , tawrh chhel lo hlut zia te thleng khan ka hriat phah vek a sin , min han en teu in fapa hi ka puitlin ve tawh zia hi , ka duh ang ang nei thei tawh in ka fa te pawh school tha tak ah ka luh tir theih tak hi , tun ah chuan tuma nun leh neih ka awt tawh bik lo a sin .

mahse ka hlawhtlin hun in hmu hman ve si lo a , ka fa te pawn an pi leh pu te chan chin min zawt ziah a , sawi tur ka ngah theih khawp mai ngaihnawm an ti in an chhuang thei em em cheu a , hmuh an chak thei lutuk cheu a sin , engtik ah tak in tawh khawm leh ni awm tak ang maw .

Kha tia ka nite in a ka awm tak ah chuan , hrehawm ka ti em em a , nikhat pawh hi rilru him leh nuamsa in ka awm ngai meuh lo , nu leh pa nei ta lo chu midang in min en hniam chang leh min hmuhsit chang te a tam mai , thian kawm ve thin mah ila ka kawm tam meuh lo ka level pui te bak lo chu ka kawm lo ti ila ka sawi sual lo zawk ang . Chutia hreawm leh nuam lo tak a ka awm lai chuan kan thenawm nu chuan ka ni chu home a sawi hmuh ta a , ka ni pasal nen an ngaihtuah dun hnu chuan tha an ti in , kei pakhat an  harsat na sut kian sak thei a a awm tur chu an lawm ru phian zawk hian a nia ka rin ni , ti chuan home ah chuan min dah ta a , a tir chuan hrehawm ka ti in ka tah ruk chang pawh atam khawp mai , mahse ka hma hun atan a , tha tur leh kawng min hawn sak tu tur ani tih ka hre der si lo a .

Ka hming chu Joshua ani a , kum sawm mi ka nih in ka nu leh pa tehi motor accident ah che sual in an thi ve ve a ni , kan in hmun hi ka ni ten chang in a tir chuan min duat khawp mai a , mahse a rei telh telh a , ka chan chu a chau in a chhe tawlh tawlh ani ber mai , sawitur leh thiam na ka nei lo a , a chhan chu khang hun lai khan naupang mai ka la nih vang ani , engmah kha hrethiam ngai hek lo le.

Ti chuan home ah chuan seilian chho in a tir a hrehawm leh nuam lo ka tih na te kha nei tawh lo in ka tlang nel ve tawh hle , home ah pawh a fel pawl leh thuawih thei pawl ah tang in thawktu bak ah home mother leh father te chuan min duat in hriat pawh min hre hle bawk , ni tin kar khat ah vawili in khawm kan nei thin a , tawngtai leh zai ho na te nei in pathian kan pawl ho thin ani.

zirna te chhun zawm leh in home ah school an neih sa avang in pawl sawm thleng kha chu tha tak in ka kal chhuak ve a ni , ka lawm in ka hlim em em a , a chhan chu mahni chhungkua ah pawh ka dawn theih loh tur leh ka hriat loh tur tam tak dawng in ka zir chhuah vang ani . 

Christmas alo nih hian then khat chhungte la nei tha  deuh chu , an chhung ten rawn tlawh in eng eng e maw an rawn ken sak a , kei chu ka chhung te pawn duh lo a , min hnuat chhiah tu te lak a tang khan engmah kha ka phut ngai meuh lo , hmangaih na , duhsak na leh an lainat na thleng khan ka phut ngai miah lo , kha chen an bul aj Christmas ka hmang ral ziah mahse vawikhat mah ka tan thil min tihsak hi hriat ka neilo , an fate hak hnu leh duh tawh loh ka chang ani ber mah zawk , chuvang chuan tun hun pawh hian an lak atang in engmah ka beisei ngailo bawk a , ka beisei ang in an rawn lang ngai reng lo bawk , a chang phei chuan tiang em em hian ani maw fa hrah te hi an lo retheih tih hi ka in zawt nawn mawlh mawlh zel ani .

Rilru in chhia leh tha a hrevek tawh a , dik tak chuan keipawn ka thian te awh chang leh thik chang pawh ka nei , chhungril ah hian mahni in sit na leh mahni in khawngaih na chu lian ve thei tak ani .

Enga ti nge tiang hringnun hmang tur a ka lo pian bik kher le , heng ka chunga thleng te hi ka duh vang leh ka awh vang a ka dil pawh a ni der silo , tumah hi he ka nun hreawm kawng rawn zawh ve tur atan hian a tu amah hi ka duhpui lo ani .

Vawikhat chu ka van neih a siam in chhungkaw hausa tak pakhat hian fa atan min rawn la ta a , ka lawm in ka phur kher a sin aw , khami ni kha ka dam chhung hian ka theihnghilh theih hi ka ring tawh meuh lo ani , a chhan chu Lalpa a hun tak a che thin kan nei tlat a alawm , min la tu te chu an fel in fa neilo tih tak ah min duat em em a , keipawn nuam kati in ka nu leh pa tak tak ah ka ngai nghet hmiah mai ani , ka duh ang apiang chu min tih sak vek zel hi ani ber mai , keipawh an lawm zawng a awm leh thuawih tak in ka awm zel bawk a .

An zar ah Higher level te rap pha in University hial ka thlen tak hi , khang zawng zawng khan ka hriat chhuah chu Lalpa hian rethei chan hai leh fahrah te hi alo en san ngai lo tih hi ani .

 Tunah chuan chhungkaw tha tak leh fa tha tak lalpan min pe bawk a , khang hun chhung zawng khan lo hnual in tawngtai leh bible chhiar te kha thlah thlam ni ila , ka tun din hmun hi ka thlen ka ring lo .

Nu pa ka hlawhtlin na in hmu hman lo leh ka thawh chhuah hmang a nuam sa tak a ka siam loh cheu avang khan min ngaidam dawn nia aw..... kha Vanram atang khan Nu Pa min lo thlir em min lawmpui ve ang ti raw... tun ah chuan ka pi kan bul ah a awm tawh a , chhungkua kim vek thei lo mah ila ka pi min hui khawm tur in ka kiang ah ala awm ve te hi ka lawm tak zet ani .

Hun remchang a awm vel ah kala rawn tlawh leh dawn cheu a nia .

Mangtha phawt ule nu pa ka hmangaih che u tiin ka nu leh pa te thlan chu ka kalsan ta a.