EMILY ROSE PAGE-3

EMILY ROSE 

CHAPTER - 7 

By - Robert Pachuau 🌹🌹

Keipawh ka thil tih na ah tluang chho ve zel in University ka zawh hnu khan , rawngbawl na lam ah in hmang chho in pawl pakhat ka zawm ve a , a nuam in kan hlim tlang thin khawp mai , Home hrang hrang ah leh addict centre hrang hrang ah thu sawi in ka kal kual thin a , ka tui bawk a,ka nun a thil tam tak kalo pal tlang tawh dan te leh ka nun hrehawm leh harsa tak atang a ka zalen dan te ka share ani ber mai , vawi leh khat ah hlawk na chang lo mahse an nun chawm tu tha tak ni thei se , tin , an nun hrehawm na leh sual lak ata an zalen hun hi ka nghahhlelh pui in an tan bang loin ka tawngtai fo thin ani .

Kha tia James an min kal san tak hnu khan a chanchin hriat zui tur a awm tawh lo kha ani a , mahse ka hriat leh hmasak ber chuan kan awm na lam a hna avang a an rawn sawn kha ani , ka ngai lo chu ani lo , mahse vawikhat tal hmai chhan a hmuh a a thil tih chhan bak ah , khang hrehawmna leh hun harsa min pek avang te , min kal san chhan zawng zawng te kha a chhan  zawh kha ka duh ani , mahse han hmu ngawt pawh ni ila , ka sawi tum leh ka tih tum te chuan awmzia an neih vak ka ring lo , a chhan chu ka thinlung hian hman atang tawh in ala theihnghilh theih loh vang pawh ani ngei ang le .

Mahse chu pawh chu hre tho mah ila hmeichhe dang a thlan avang te , a a nawm na ri ngawt tur um a min kalsan a vang te leh a chung a mawh phurh na tla hlen ngam silo in , ka chung a hreawm na leh harsat na tam tak min thlen sak a , nun nuam leh hahdam khan kha chen kha amah avang khan ka awm ngai lo , chung zawng zawng pawh chu ka dam chhung ser min siam sak hriat reng nan chuan a tawk tawh lutuk ani , amah avang khan vawi engzah a tam nge ka khum ah leh bathroom ah ka tah thin , lo kir leh pawh nise a lak ah hi chuan ka kir leh tawh ka ring tawh meuh lo .

Mahse ka chhungril ah hian a mah lo chu mipa dang hian hmun an chang zo tak tak lo ani ber mai .Henry pawh mipa fel leh zaidam mi dawh thei tak ani , vawi tam tak min duh na leh min hmangaih zia pawh a ti lang fo , mahse keimah zawk hi ka la in peih lo ani , a chhan chu dam chhung in tiam kam na ani a , in then te , in kal san te , kalsan leh mal tak a awm leh hi ka hlauh tawh em vang zawk ani , engpawh chu nise hun in ala hrilh ang a ka awm dan tur leh , ka kawng tur hi Lalpa rawn in vawi tam tak ka tawngtai in ka dil fo thin . 

Eng kawng emaw tal ah chuan chhan hun ka la awm ngei ngei ka ring , zan khat chu ka face book account leh page a ka lut chu notification alo tam khawp mai a , ka pic post leh ka thu ziah te chu pa pakhat hian a vai chuan alo like chhuak vek anih chu , ka rilru chuan a mak kati ang reng khawp mai , chutiang em em a han hman chu tih pah chuan kan check a , ka pic te lah chu alo comment vek leh nghal , ka nuih te pawh chu a za hial zawk ang chu , tu nge anih tih check tum chuan a mah ah chuan kan lut chu , ka rin lo leh ka beisei loh lutuk thil ka hmu ta anih chu .

James ngei mai kha alo ni nih chu mak ka ti in , hrehawm nge a hlimawm lam pawh ka hre tawh teh nuai lo e , mahse mak tak chu ani , ka ring pha mawlh hek lo , mahse chhungril ah hian eng e maw hian min man tlat anih chu ,  enge pawh ka hrelo kha thil kha ka hrethiam lo , phur na ang reuh deuh nite hian ka hria , ka hmul thi a ding vek a , ka taksa pumpui hi a vawt riai riai bak ah ka lungphu hi an rang em em khawp a , a mak kati hle mai , a ngaihna pawh ka hrelo , ka thingthi a , ka tawngtai ta a ,

 Lalpa min hmangaih tu nang chuan hun harsa leh hreawm kan tawh chang pawh in min kalsan ngai lo a , tun hun ah pawh hian ka ma mawh che ani , nang chuan ka nun hlui engkim i hria a , zep leh tur chuang i lak ah ka nei lo , mahse maw Lalpa tun a ka awm dan hi ka hrethiam lo tak zet ani , ngaidam tur a min duh chuan ka thinlung zawng zawng in ka ngaidam ang , mahse Lalpa hman atang in min hria a , ka tan a tha tur chauh in ro min rel sak thin , chuvang chuan tun hun ah pawh hian ka mamawh che a , ka tan a tha tur chauh in ro min rel sak thin ang che . Amen 

Ka zia huai chuan ka hria ti chuan James a photo te chu en kual vel in , a tawp lam post na pawh a rei tawh tih hriat tak mai chuan kan pahnih a , kam zin dun na ami photo chu a rawn pist ngei mai a , ka lung a leng in ka hnuk a ulh hial , ka suangtuah na ram ah chaun ka cheng ani ber mai , dik tak chuan James hi haw tur leh hmelma a ngai tur zawk ka nih lai in , kalo hmangaih zia leh ka lo la duh zia te , a mah ka la beisei tlat avang a tun hun thleng a kawp pui la nei lo ka nih zia te ka hre chhuak leh in ka zak zawk hial , a chhan chu ka taksa , rilru leh thinlung hian alo la duh em atin ani .

Keipawh ka hna ah ka buai in ka chhuak ve reng bawk a , Henry pawh chuti tho , zan riah ei dawn leh tuk thuan ei dun bak lo hi chu kan in hmu tam meuh lo weekend hi ani leh deuh tawp mai , tlai khat chu ruah a sur nasat avang leh thli atleh deuh avang chuan haw mai lo chuan kan nghak deuh a , mahse a reh har phian a , rin ai tak chuan , Henry chu call in min lo hruai mai tur a ka tih chuan ani pawh chuan ka awm nate min zawt in , alo thlen vat tur thu chu min hrilh a , coffee ka in pah chuan ka phone chu ka khawih neuh neuh a , ka bul vel te chu kalo thli thlai tawk lo pawh a nia nge .

Ka dawh kan chu min rawn tawm ve dil in tlangval pakhat hian " khawngaih in min lo hrethiam lawk ka pi ,i dawhkan hi ka rawn zawm ve thei che a ngem " tiin aw tih pah chuan kan hawi chhuak chu ava mak em , ka beisei loh lam deih mipa ani tlat , James a ngei chu lo niin a ni pawh chuan mak a tiin a phu ve zawk hial , kan in en deuh char char ani mai , a tu a zawk mah chu kan che chang meuh lo , Waiter pakhat in zawh na min rawn zawh tak ah chuan harh chhuak zawk in kan lai dun ngei mai , han in hmuh tak ah chuan huat na leh phuba lak duh na pawh chhung ril ah a awm meuh tawh lo .

Dawhkan khat ah chuan kan thu dun ta zan mai le , mahse a tu a zawk mah chuan tawng zai kan rel meuh lo ani ber mai , kan ngawih deuh vang vang hnu chuan  James a zawk chuan ka dam that leh that loh thu te min zawt a , tlem chuan boruak chang lutuk pawh a zia ve deuh ta a , kan in be chho a , a in thiam loh thu leh a hreawm a tih zia te , a nun hlim tak a a hman ngai bik loh thu min han hrilh te chuan keipawh chuan kalo ngaithla uluk hle , a in sawi fiah na zawng zawng te , a thil tih chhan te a sawi vek a , leh lam zawng tak a thlir chuan a dik na chen pawh a awm e .

mahse khatiang a hmeichhia kum pawh la tling lo , rai puar leh nghal awlsam tak a min kalsan thei kha ana in amak em a tin ani , kan pahnih pawh khan enkawl dun te tum chho ve ila , engpawh hma chhawn kha ka in huam zawk daih a , retheih leh hausak kha ka lungkham ber lo , mahse kan pahnih a sual dun kha ka duh ani .

Mahse sual dun leh tha tak a sawi dun pawh awm hma hauh in min kalsan a , kha thil ka nun hrem hmun ang mai a , ka hman chhoh lai pawh khan vawikhat pawh hi a hnen atang in eng thil tha leh puihna mah ka dawng ngai lo , ka hnuk a ulh a , ka thinrim na , ka lungawi loh na leh kha chen kalo in up na thin rim na zawng zawng kha a mit a en a , sawi chhuah vek kha ka duh ani , mahse chung zawng zawng pawh chu ka sawi thei lo , ka na em ani , ka mittui hian ka nat zia leh ka hrehawm thin zia kha a sawi fiah ni ber zawk in ka hria .

Ani pawh chuan sawi tur reng a hre lo tih ahmel ah chuan ka hria , kan awm rei ta deuh aniang , Henry lo thlen lai reng reng ka hrelo , ka bul lawk ah chuan lo ding in ka kut ah kai in min chhuah pui ta ani , kawng tluan in kan in be lo a , motor ri leh thli thaw ri bak ah ruah sur ri bak lo chu hriat tur a awm meuh lon, ka chhungril ah enge awm a , enge ka ngaihtuah na hian awm tih pawh ka hre meuh lo , tun a ka chak ber chu zu in nghek ila , engmah ngaihtuah lo a chah thlak deuh tawp kha ani mai. 

In kan thlen chuan Henry chuan zan riah a buaipui mek chu va puih vat in , kei chuan a bang bo lutuk loh nan cafe a thil thleng te chu ka hrilh fiah mawlh mawlh a , a khat tawk in ka mittui chu ka hru leh zeuh thin , ani pawh chuan tha tak chuan alo ngaithla ve mai bawk a , min tawrh thiam pui ve ni awm tak in min hnem mawlh mawlh bawk a , ni e Henry hi mipa tha tak zaidam leh nunnem ani , ka tan hian a in pe zo em em a , ka tan tih hreh leh ui a nei ngailo , a rilru tih nat pawh ka hlau ngawih ngawih  , a chhan chu min hmangaih tih ka hria a , keipawn chhungril thuk tak a tang in pawh na , in mil rukna riau kan nei ani tih pawh ka hre thei .

Mahse ka sawi tawh ang khan kalsan leh , mal tak a awm leh hi ka hlauh em vang ani , ka ring lo ni loin keimah zawk hi kala in peih meuh lo ani .

Zan a rei deuh ta a , ka room ah chho in ka in bual zo phone kan check chu message alo awm teuh mai , kan en kual vel a , a hnu deuh ah chuan,

 James - a message hi alo awm ve anih chu , ka hawng ang nge hawng lo ang tih ka in ngaihtuah nasa khawp mai a chhan chu ka hawng a nih chuan ka reply ngei ngei dawn ani tih ka hriat vang ani .

A tawp a tawp ah chuan ka hawng ta nge nge a , kan chhiar chian chuan , 

vawin a thil thleng avang a pawi a tih thu leh hreawm a tih thu te bak ah ngaihdam min dil na thu te a rawn ziak nuai mai .

Reply vat in " mihring zawng zawng in hun harsa leh hrehawm tam tak kan tuar vek a , kan harsat na tawh leh kan hmachhawn dan a in ang vek kher lo , chutiang bawk in nang pawn hun harsa leh hrehawm tak min pe a , a tir chuan huat che pawh ka haw ngei che , i thih pawh hi pawi ka ti lo hial zawk ang , mahse Lalpan a lam a min koh nan leh a rawngbawl tur a min duh avang in nangmah hman rua ah hmang in ka tun din hmun leh khang nun zawng zawng kha ka neih phah ani , tun ah chuan nun thar ka nei tawh a , chu bak a hlu leh  pawimawh chu ka tan a awm lo , ka thinlung leh rilru zawng zawng in ka ngaidam a che "  tih ka va thawn a ni 

Ka ngaidam ani tih ka in hriat khan ka hlim in ka nun hi lawm na sawi sen rual loh hian a khat ani ber mai .

James chuan min rawn reply vat in ka ngaidam tak tak anih chuan coffee in pui ah min rawn sawm a , a sawm na chu ka hnial lo chiang kher a sin , a hun leh hmun sawi tha leh tur a in tiam in kan in mangtha ta ani .

Hmeichhia chu bum na ngai ah vawisarih pawh bum ila an tlu leh nge nge thin an lo tih hi a lo dik pawh ani mai thei ani .... hahha .....

Ka zing tho chu ka phur sar sar khawp mai , ei siam pah chuan ka zai ral ral a , Henry pawn mak ati deuh a niang a khat tawk chuan alo khi deuh sang reng bawk a , mak ve tak tur chu ani , nimin ah mittui tla zawih zawih khan in ah min hruai haw kha ani a , a dem awm hran chuang loh ... mahse vawikhat ka ti anih tawh chuan a vawihnih na atan hian enge ka tawh ang tih chu ngaihtuah tham tak chu ani .... 

( Chhiartu te ka duh ang in ka active thei lo , chuti chung pawh a nghak hlel tak a min lo thlir thin a vang in ka lawm hle ani , nangmah ni vang chauh a la ziak hram hram ka ni a , in comment pek te pawh hmuh anuam thin khawp mai , tin , ka story ziah ah hian a theih hram chuan englosh hman tam lutuk hi ka duh loh a  vang hian a tam zawk hi chu mizo tawng in ka dah char char zel a nia aw.... )

EMILY ROSE

CHAPTER - 8

By - Robert Pachuau 🌹🌹

Kar tawp lam ani a , James nen chuan coffee in dun tur a kan in tiam tawh ang in , tlai lam ah ka office ban hnu chuan kan office ah min rawn lam a , ka lai chhe kher a sin , mahse liam tawh chu liam tawh ani a , keichuan engkim theihnghilh vek mai kha ka tum chu ani ber mai .

Ka thei a nge maw !! 

Theihnghilh tum a hma ka lak pauh leh kan nun hlui chu hman ni a thil thleng ang mai khan a chiang leh uar uar si a , ava han hreawm em , James lah chu a hlim ropui mai sia , ni e hlim tur pawh ani a lawm kha tiang khawp a thil a thlen hnu ah pawh ka la ngaihdam theih bak ah ka la pawm thei kha ani sia .

Kan awm zel dan tur chu hun in ala hril zel ang chu , Henry hi engkim ka hrilh thin ani pawn thu rawn tha tak tak te min pe thin , ka nunhlui hre then khat chuan hetiang din hmun ka thleng chung pawh hian , sel tu leh dik lo tak tak a sawi lah ka tawk ve reng bawk a , mahse chung vang mai mai a , in tih nak leh in tih hreawm ka tum tawh meuh lo , a chhan pawh ka hrelo , ka engah mah a thawk lo ani ber mai . 

Ka hna ah ka tui em em a , mahse ka hriat miah lo chu Henry min lo hmangaih na kha ani , Henry chu ka chung ah a tha em em a , unaupa ang chiah a ka en kha ani a , kei chuan kan in kar a tiang thil hi a awm ka ring lo hrim hrim ani .

.Khang hun lai khan Henry rilru nat tur leh lo hreawm thin tur zia kha ka kalo hre thiam phak meuh lo ani , a rilru dawn miah lo khan James nen kan in kar te , ka rilru put hmang zawng zawng kha ka lo hrilh vek thin kha alo ni sia .

Khang hun chhung zawng a , alo tuar nasat thin tur zia kha aw !!

Tun hnu a ka ngaihtuah leh hian ka in thiam lo tak zet ani , hetiang hi ani maw hmangaih na dik tak an sawi leh mipa diktak an lo sawi thin chu , Henry ka tan hian i hriat thiam phak bak hian i hlu in ka nun ah hian i pawimawh em em ani .

Henry ka tawng hi ka van nei em em a , hetiang nun ka neih phah na chhan hi a mah vang liau liau ani .

Hun te kal ve zel in James nen chuan kan tha chho ve zel a , kan in kar ah kum khat vel zet kha chu buai na leh harsat na kan nei ngailo , ka chung ah a tha em em a , min hrethiam in min dawh thei em em a ni .

  

Hman ah te khian ka chung ah tiang hian lo ti nise , tiang zawng zawng hi kan tawn a ngai kher lo ang le , mahse tu nge hma hun hria awm .

Keipawn ka dam chhung a ka ngaihdam theih leh ka hmangaih tawh loh tur a ka tih , thi se ka hlim zawk hial ka rin lai a , mahse tun ah erawh thil dang daih a thleng leh lawi si a .

Mahse khuanu rorel dan hi keini hring fate hian hrethiam awm ang maw .

Vawikhat chu a thian te Party ah kal dun pui ah min sawm a , bak ah ka mi hriat te pawh an tam tur thu leh a hlimawm dawn thu a sawi a , ka phur hle mai , tun thleng hian ngaihzawng nei a party na vel a ka kal loh na chen pawh hi ka hre tawh meuh lo .

Zan kan mut hma hian kan in be deuh chawt reng mai , a hna ah a buai deuh bawk nen , duh ang pawn kan in hmu tam thei lon, a hman hun kalo nghak ve deuh chawt ani mai .

Zing ka office ka thleng chu ka dawh kan ah hian  box mawi tak a lo in tuam leh rose par ngei nen mai chuan alo awm a , ka en chuan James a hnen ngei mai atang chuan kawr sen fual leh thi bak ah pheikhawk hi alo awm a , a mit aler kati dawn nge ka in hmeh tur chu alo hre ngang mai , zan in chu ka hnar thei dawn lo anih hi tih pah chuan ka hna chu ka tan ve mawlh mawlh a , keipawh ka hna ah ka duh ang in ka rilru ka pe thei lo bawk nen tih tur bak ah file chin fel loh neuh neuh ka nei a , ka secretary han pe ngawt ila , mahni hna tlin lo ka nih dawn avang in ka hna chu thawh zawh hram hram hi ka duh dan ber ani .

Sana ka en chuan alo kal ve duak tawh bawk a , zan in tlai thei ka nih loh avang leh dar sarih ah James an min lo lam dawn a vang chuan ka hmanhmawh hle mai , ka tihfel zawh chuan khawi kal kual lo in kan in chu ka pan ding nghal a , Henry pawh alo la haw bik lo .

Henry ei tur zan riah te ka peih fel hnu chuan in bual tur in ka kal san ta a .

.

kain peih fel meuh chuan alo tlai duak tawh , Henry chu ka kal na tur te hrilh in fimkhur tur leh in tam lo tur chuan min chah mawlh mawlh a , ni e min hrethiam tu leh hmangaih tak a min tuam hlawm tu kha ani a , ka tan chuan angel hi ani ringawt , James chuan in kawt ah min lo nghaka , party na lam ah pan chuan kan kal ta ani .

Car a khalh pah chuan ka lam hawi in a rawn nui leh sak thin , kawng tluan chuan ka in hmeh atih thu leh kan in tawng leh hi a lawm thu ri ngawt chu a sawi ani deuh ber mai .

Ni e ani a hlim chuan keipawh ka hlim ani mai , a chhan chu ka hmangaih ve em alawm , kan in kar ah hian midang tla zep loin harsat na leh buaina te awm ve bawk thin mahse , kan pahniha chhel tak a tuar dun a , sual chhuah zel hi ka duhthusam ber chu ani deuh ber mai .

Party na hmun kan thlen chuan thian hlui te an lo tam khawp mai , ka mikhual lo hle bawk in ka hria , a nuam kan tiin nunhlui vel te sawi chhuak in kan hlim tlang a sin aw !!!! 

James chuan a in a riak ve mai tur chuan min sawm a , kan tang deuh ngial na chu ka tang reilo khawp mai , a in lam ah chuan a in khalh haw ta a , a in chu a faiin mipa awm na ah chuan fai tak hi ani , bak ah James hi mipa mahni a in vawng tak , hrisel na ngai pawimawh tak mai ani a , mak pawh kati lem chuang lo .

Light eng chu a dim deuh ruih a , music cool tak chu play in wine a rawn thlit chu bathlar ah chuan in dun in kan in si rial a !! 

Kan in hmangaih zia leh kan in duhzia min hriat thiam pui ni awm tak mai hian thla pawh a eng mawi hle mai , thla eng chuan ka mit ala deuh nge kalo en tui lutuk te pawh ani ange , James lam ka hawi phei chu ngawi reng hian min lo en reng mai .

Ka lai deuh nge a mah nuih suk pah chuan " khatia min en reng te chuan , awm dan tur ka hre lo mai dawn lawm " bah deuh nuai chuan kan ti a , ka in rin hma chuan alam ah min pawt deuh sawk pah chuan ka hmui ah tak chuan min rawn fawp ta vawng vawng mai .

Ka chhang let mai lo , mahse a aia uar deuh zawk a min rawn fawh tak zel avang chuan ka chhnag let ve ta a , thla eng pawh kan zah zo meuh lo ani e .

Muang chang in ka dar ah vuan in min pawm kang thut ka te deuh thawt mahse min pawm tu hi mipa satliah mai ani lo bak ah ban ang mai a nghet ani tlat muang chang in khum ah chuan min nghah pah chuan min rawn fawh chhun zawm leh a , kan thawmhnaw te pawh chu a hnawk deuh tan riau hian ka hre hial .

Ka dam chhunga ani nen a hmangaih na par tlan dun leh tawh ngailo tur a in tiam chung khan , keimah bawk hian ka thu tiam chu ka bawh chhe leh lawi sia , tuar leh dawn pawh ni ila tumah dem theih ka neilo , a chhan chu engkim hre chung a ka thlen nawn tir leh vang ani .

James hi a zei in mi han chawh phur vel hi athiam em em a , kan zo chu in kuah in kan muhil dun ta ani . 

Zing ka thawh chuan James chuan coffee alo siam a , ka in pah chuan a lam ah min kuai her a , ka mit ah tak en pah chuan , min phatsan tawh loh tur thu leh min thlah tawh loh tur thu chu min hrilh a , inneih a duh thu pawh .

Mahse min ti lui lo , ka in peih hun hun a tih avang chuan keipawh chuan in ngaihtuah na hun ka ma mawh thu ka hrilh a , ka in bual zawh chuan ka office ah min thlah a , in hmuh leh vat in tiam chung in kan in kalsan ta ani .

Hringnun ah hian hmabak tam tak hma chhawn tur kan nei theuh a , kan hma chhawn dan leh kan lo dawn sawn dan pawh a in ang vek kher lo , thenkhat erawh van nei leh nun tluang pangngai ve hrim hrim an awm a , harsat na em em nei lem lo , hausa leh duh duh nei thei te an ni hlawm .

Chutiang deuh chiah chuan ka hring nun kha ka hmang thin kha ani a , mahse tun ah chuan hringnun lo hlut zia leh lo ropui zia te , ka sual chhuah nun ka hmang a , ka beidawn duh loh na leh ka luhlul na chuan rah tha tak min pe a , tin thi leh thau pawlh tak meuh meuh a ka thawh chhuah atang in hlawhtlin na bak ah hna tha leh sang ka thawk thei bawk a , malsawm na chu ani ngei a lawm .

Mahse a chang chuan malsawm tu hi tu nge anih tih hi kalo theihnghilh leh thin ani .

James ka tawn atang tawh khan ka nun chu ka thlah dul deuh nge , ka tawngtai tam mai loh bak ah bible han chhiar loh zeuh zeuh chang pawh ka ngah thei hle nghe nghe .

Hun te a kal ve zel a James nen chuan kan in karah pawh buaina kan nei ngai mang lo , han in hmuh thiam loh chang te chu awm ve thin bawk mahse , kan in thlem lungawi hma leh thei hle bawk .

Zirtawp ni a ni a , khua pawh a thiang nuam in a dai raih bawk a , tuk dang lo ang deuh in James chu keimah zawk chuan office a thlah ka tum avang chuan Coffee leh Donut vel keng chuan va surprise ka tum ani .

A in ka thlen chuan ka car chu parking ah tha tak a park in , a kawngkhar lam pan chuan ka kal ta a , kawng ka chu ka va kik det det a , mahse ka rin loh leh ka beisei loh lutuk thil chu ka hmu ta ani  .

Hmeichhe pakhat hian min lo chhawn a , tu nge anih tih ka zawh chuan Maria anih thu leh James a nupui hual anih thu a sawi a , James chuan rawn au in " bawihte tu nge lokal la min han puih vat teh , ka tlai dawn nia " a rawn ti lung lung a , sawi tur pawh ka hrelo , James a chu pindan atanga rawn chhuak in kan in hmu chu a che chang meuh lo .

Ka inti pa chang hram hram a , ka kut a ka ken lai coffee leh Donut chu pe in , ka lawmpui thu hrih chung in ka kal san ta ani .

Ka car ah chuan thu in vawihnih bum a ka awm leh avang chuan ka thinlung zawng zawng keh sawm vek in , ka tap nasa sin , ka aw neih zawng zawng a au chhuah pui mai kha ka duh , mahse awmzia awm silo .

Ka na tak zet ani , James - a number leh amah biak theih na tur ang chu ka block in ka delete vek nghe nghe , Office pawh kal lo chuan ka room ah awm in ka tap nileng zankhua ani ber mai , ka na em atin ani .

Henry chuan a thiam ang tawk leh theih ang tawk chuan hnem ve a , mahse tun ah rih chuan ngai awh leh mai chu ahar ani , vawikhat chu James chu kan in ah kal in min rawn biak chu atum a , mahse ka hmuh duh loh avang chuan a kal leh ta ani .

Aw eng em em nge tih sual kei teh lul hian ka neih a , he ti em em a khuanu hi ka chung ah a num rawn tak mai le  , ka tih sual ka hre silo , thingthi in ka tawngtai a , mahse chhan na reng ka dawng lo , Lalpa zah ngaila ka chung ah thil thalo thlen tir lo la , ka taksa leh rilru min ti hah dam sak ang che .

Hei chen hi ka tuar tawh a , Lalpa ka nun kawng ah buaina leh harsat na tawk loin hei chen hi ka kal chho bep bep tawh a , mahse ka tan a tha tur in nangin ro min rel sak ang che .Tun din hmun ah chuan hmasawn a har kati in kal ngaihna leh awm dan tur pawh ka hre mawlh lo , mahse i kut ah ka nun leh keimah ka in hlan e .

Hun te pawh liam ve zel in Ka ser leh ka na te chu zawi zawi in a dam ve zel a , mahse chhungril a hliam tawh chuan dam ni reng tih anei dawn lo anih hi .

Henry min hmangaih na leh dawh theizia te ka hria a , a tawp a tawp ah chuan in nei tur chuan kan ti tlu dun tawh a , alawm kher a sin ,tin keipawh , kan in neih hun a , kan awm dan tur leh ram dang a pem kan tum thu te , kan phur dun in zan a zawng a zan duhawm ber ani awm e. 

Kan in neih ni tur te ruat fel in kan thian te pawh kan hrilh hre tawh a , Facebook leh Whatsapp   vel ah te pawh lawmpui tu leh duhsak ma aw ka kan kan hmu tam em em bawk .

Kan in neih card chu James pawn alo dawng ngei te pawh ka beisei , amah el sel nan leh ka hlim a ,ka dam vek tawh ani tih hriat nan a sawm na thawn reng pawh kha ka ni a . 

Zan khat ka phone ka khawih mial mial lai chuan James hnen atang in message ka dawng nawlh mai .

Min lawmpui thu leh hlim tak a awm tur a min duh thu min rawn hrilh a , a tawrh thu leh anat thu bak ah  a thinlung zawng zawng a kehsawm thu te chu a rawn sawi nasa a sin .

Ka ngaihtuah chian pauh leh a sawi a ka atang a chhuak engkim hi dawt vek anih hi ka ring tak zet tawh ani .

Kei chuan " ka nun ah hian itan hian hmun a in hawng leh tawh ngai dawn lo a , bak ab nupui hual Maria i nei a , mipa tak khan awm la keimah ang mai mai khan kal san tawh suh ang che , a chhan chu a tuar tu tan a a nat zia ka hriat vang ani , nun hlim tak nei la a vawithum na atan ka ngaidam nawn leh a che .Mahse chatuan pialral thleng pawh in he ka taksa leh ka rilru ka thinlung thleng hian ita ka ni leh tawh ngailo ang mangtha le " tiin kan in thlah ta ani .

Hun a liam a , Henry nen kan awm na thar chu anuam in a veng pawh a nuam em em a , boruak a thiang thin hle bawk , pangpar ka ngainat avang in pangpar chu hrang hrang ka huan ah leh kan in kawt ah a khat deuh vek ani ber mai , Henry hna akal avang in kei chu in lam ah ka bur deuh chawt ani ber mai .

Henry hi ka hmangaih theih kha ka in ring ngai meuh lo , mahse khuanu hian rem alo ruat thiam nge , tun ah chuan ka nun zawng zawng ah hmun a chang tawh a , a hna kal mai mai pawh ka lo ngai hman thei thin hle .

December thla ani a , cherry pawn a par te chhuah in kan in a hual vek bawk a , a mawi dang dan a sin a mawina ti zual tur in vur chu a chung ah a paw deuh riai bawk a , tlai ni tla tur thlir in kawt dawh ah chuan Henry nen coffee in pah in kan thu ziah thin .

Tlai khat chu ka chak lo deuh nge , kalu a hai a ka awm anuam thei ta tlat lo , Henry chaw hmeh siam rim chuan ka luak a ti chhuak ngawih ngawih mai , ka zawi deuh bur bawk nen , chaw ei tur a ka kal chu chaw rim chuan ka pum ham in ka luak ta vak a , Henry chuan a ring thiam nghal mai  , a tuk a , in check up tur a kan kal chu a rin ang ngei chuan kalo rai ta a , kan va hlim dun em , Henry hlim na chuan kei chang nilo in a mittui hial a koh chhuah kha .

Kan hlim in Henry chuan a theih tawp in min duat in a hma ai mah chuan min ngaihsak leh zual zawk emaw tih mai tur ani , hna ka thawh leh ka chet vel a phal loh avang chuan awmpui min laksak a , engmah kati ngai meuh lo 

Hun in a liampui a fapa duhawm tak Micheal kan nei a , kan hlim dun hle , kan in hmangaih na bak ah kan chhungkaw hlim na rawn keng tu tur Lalpan min pe ani , ka fa neih thu hretu tam tak ka a tang chuan duhsak na leh thil pek pawh kan dawn nasa sin .

.

Lalpa hre reng chung in , hun harsa leh hreawm i tawh pawn tawngtai la , anin a tha ber tur in i tan kawng a hawn sak ang che . 

Tawrh na phen ah hian malsawm na tam tak hi a awm ania , mahse a tuar chhuak thei leh malsawmna dawn tum a bei te chu tlem te chauh an ni .

Michael - a alo pian atang chuan kan hlim in kan chhungkua pawh kan phusui ve ta bawk a a kum thum naah nau hmeichhia pakhat nei leh in Caroline a ni .

Hringnun ah zirlai tam tak ka zir chhuak a , mahni ke a kal ai chuan Lalpa rin chhan a kal alo that zia te , amah bel tute chu min en san ngai loh zia te bak ah malsawmna ka dawn zawng zawng hi Lalpa a tang a chhuak vek ani. 

Ka nu leh pa la chhungkua ka chan a , mahse chu aia tha leh ropui Lalpan ka tan alo buat saih a .

Chu chu chatuan a nun na neih na ani , keimah ang hian nun ah Lalpa neih duh leh he Kristian nun hrelo tam tak awmte hi puih ila an tan a nun na kawng awm chu hrilh in nun krista chatuan a nun na an neih theih nan an tan rawng bawl in tawngtai sak thin hi kan bat leh kan mawh phurh na ani .

Keipawh khang zawng zawng harsat na kar ah khan Lalpan mal min sawm a , ka tan a tha tur in ro min rel sak thin atawp ah chuan nun hlim na ka nei a , chhungkua leh in nghah na fa te pasal tha tak min pe bawk a , tn ka nun ah Lalpa ka nei bawk nen a bak eng dang mah ka nun hian a ngai tawh lo ani .

( ka rawn active loh zia ka hria a , ka thuziah te min lo ngaihhlut der sak in , lo nghak hlel tu pawh in awm tih ka hria a in za vai a chung ah phuba ka chawi nghal bawk e 🙂  , dam chuan he story hi lo zawh vat kalo tum dawn nia chuan readers zawng zawng te in zavai a chung ah ka lawm em em a , in vai khan ka ngaihlu in ka hmangaih vek cheu ania aw 💓💓 

chaun ka lawm e in zavai a chung ah 🥰🌹 )

EMILY ROSE

CHAPTER - 9 ( Last Chapter ) 

By - Robert Pachuau 🌹🌹

Ka thiam loh vek ani engkim hi , ka duh dan leh ka nuam tih zawng ri ngawt a khawvel her rem ka tum hi ani. Ka nun ah in chhir na tur tam tak keimah leh keimah hi ka in siam ani .

Ka hma a thil awm engmah huaisen tak a hmachhawn ka nei ngailo , tlan chhiat san ringawt hi engkim chin fel theih na alo nih zia lo kha aw !! 

Keimah leh keimah hi natna leh hreawm na ka lo in siam nasa em atin ani . Mipa tak in ka hma zawn a thil awm te huaisen tak in ka pal tlang ngai lo a , awlsam zawng a engkim chin fel ka tum na hian ka nun ah mualpho na leh dawizep nih na bak engmah min hlawh chhuah tir ngai hek lo .

Mahni in hriat chhuah nan hun ka duh rei luat ah ka tan a tha leh ka hmangaih ten min liam san ta zel zawng a nih hi . Ka nun hi khawhar na hian a hual vel ani ber mai .

Maria chuan Emily nen a kan nun hlui chu engtin tin e maw lo chhui chhuak in , chuta tang phei chuan kan in kar chu a zawi zawi in a tha lo chho telh telh a , kei mahni tawk a in ti pa leh thu duh luat chuan ka thil tih sual leh ka dik loh man ka seng ani ber mai. 

Maria nen chuan kan tha chho zel dawn e maw ka tih lai in kan in kar ah thil hote te a vang chuan in hauh leh in tih thiam loh na a thleng chhoh neuh neuh tak ah chuan kan in then ta ani .

Maria min kalsan chu ka tuar lutuk pawn ka hrelo , Emily kha lo la awm se zawng a ni nen khan nun bul chu tha tak in kan tan chho leh tur hi ani a , mahse ani chu chatuan a tan ka hlat ah a awm ta si a. 

Pasal tha tak nei in fate an nei tawh a , an hlim anih ngei pawh ka ring , a thil post reng reng ah chuan an chhungkua leh a pasal a hmangaih thu  hlir hi ani ber mai .

A chang chuan ka lo thik lek lek zawk hial thin , mahse ka tan awmzia a awm der silo a , Maria in min chhuah san hnu phei chuan ka in chu a ruak in ka lung a leng thei hle bawk .

Tlai ni tla tur thlir chuan ka bathlar ah hun liam tam tak , ka ngaihtuah a mahse hun kal tawh chu ka ko kir thei tawh lo , chung zawng zawng chuan lunglen na leh rilru natna bak a keng tel silo a , kohkir leh thei pawh ni ngai ila ka tih hi ka ring kher lo ,  chuthil thil a vang a nat leh ai chuan ka hma hun atan hian chak tak a ka awm zel hi a ngai zawk ani .

Ka khawhar hnem ah Party club leh thian te thil tih na ah chuan ka lang zel a , zu pawh ka in nasa in hmeichhia lah zan tin awl lo in ka in ah ka hruai haw ani deuh ber mai . Chung zawng zawng ka tih chuan ka nunhlui leh ka lunglen na zawng zawng ka hriat chhuah a ngaih tawh dawn loh ka rin vang ani . 

Mahse chu thil chu ka dam chhung hian ti ila , enge hlawk na ka neih a , enge ka hmuh belh chuan .

Chu thil chu mi chak lo ber te tih a tan a ka ruat chauh ani . ka chau em em reng thin a , eng thil ah mah chuan ka rilru ka pe ngai bawk hek lo , a chhan hriat loh khan chhungril khawhar ruk na leh mal ngawih ngawih a in hriat na chu ka nei chho tan a .

Doctor hmuh ngai hial khawp in Depression ka neih phah ta anih kha , ka hringnun chu khawhar na chuan a tuam hneh em em a , ka suangtuah na ram a tang chuan ka tha chhuak thei dawn em ni , ka suangtuah na leh ka mangram te chu ka tan chuan a nuam em em a !! 

A bak thlakhlelh leh engto engmah ka nei bawk hek lo , mahse chu thil chu suangtuah na ram chauh ani sia .

Hun harsa leh khirh khan , ka tawn ve a tan a ka duh si loh chung thil chu mi nun ah ka lo hnut chhiah in ser ka siam sak ang chiah khan keimah hi tun ah vuak let in ka awm mek chu a nih hi !! 

Tumah hmusit leh deuhsawh thei din hmun ah pawh ka ding ta lo , a chhan chu kutdawh leh awmna tur nei lo , rethei tak tak ho chuan an nun ah hlim na leh lawm na an la nei a , hmabak hun engtak beisei ve ran chung khan hlim tak in an la awm thei tal a lawm .

An neih ang leh an hmuh phak tawk ah lungawi dan thiam an zir zel a , kei a lak ah chuan nun nuam leh hahdam tak hi an nei ani ri ngawt .

Heng khawhar na leh lunglen na te hian min kian san hun an la nei ang a , chutih hun ah chuan mi zalen kalo ni tawh ang .

Ka chhung leh kua ka dah pawimawh ang bawk khan midang ka nun a kalo hmangaih te ka dah pawimawh duh loh luat chu tun ah hian ka seng mek chu ani si a , ka chau a , ka lung a leng in awm dan tur vak pawh ka thiam lo .

Mipa lunglen a vang a tah thu awm suh , mahni tawk ah ka in ti pa ve viau thin si a , hmeichhe ngaih a lunglen a vang chuan mipa pawh kan rum vung vung mai a lawm .

Mahse ka chhungril chuan min kalsan in fa a nei a , chhungkaw hlim tak an din tawh tih pawh hretho mah ila , a mah kalo beisei ve na chu a bo phah chuang hek lo .

Nakin ah chuan in tih thiam loh hun leh in hmuh thiam loh hun an nei ang a .

Chutih hun ah chuan ka hnen ah a rawn let leh hi ka ring tlat ani , a chhan chu keipawh hian chhungril zawng zawng hian Emily hian min hmangaih ani tih ka hriat ve vang ani .

Hun te liam in ka nun ah thil hrang hrang ka tawng chho in , ka nunhlui a vang a lunglen pawh ka nei thei ta meuh lo , keimah a ka awmfal te anih ngawt loh chuan .

Chung thil ka hriat vang chuan rual ka pawl tam a , hna pawh ka thawk rim thin hle , ka nun chu hei tun aia tha zawk leh chak zawk a , ka hmang thei dawn ani tih ka hriat avang zawk in ani .

Ka khum bul ah chuan Emily thla lak leh ka thlalak edit chu ka tar a , ka mut a piang in ka en reng thin , a chhan chu nitin hian ka hnen a lo let leh ka rin thin vang ani .

Beisei bo tak pawh ani ngei ang , mahse ka bei a dawng dawn lo a , ka thih thleng pawn ka nghak mai ang .

Emily ka tan hian i hlu tak zet ani , ka tihsual e rawh hun in a liam pui tawh a , khawhar tak leh mal tak a min dah hi duh tawk tawh la , khawngaih in lo haw tawh teh ka ngai che in ka thlahlel che a,ka hmangaih lutuk che nia , nitin hian ka kawngkhar i rawn kik rik hun tur hi ka chang reng ani ber mai ,

Bawihte lo haw vat rawh aw... kalo nghak reng che a nia,

Ka hmangaih lutuk che a nia ka lo nghak reng ang che ilo hawn hma chu ka thih thleng pawn kalo nghal tang tang zel ang che Emily .

(A TAWP TA)

Note - Thiam lo tak chung a ka story ziah ve te min chhiar sak a,min fuih phur tu te leh like leh comments duhawm tak tak min pe tu te in vai a chung ah ka lawm takzet.Story thar in lo chang leh theuh dawn nia.